حدي متوهقه وابي مساعده بليز
السلام عليكم
انا عرسي باجي عليه شهرين وعالجت بالدهيميه وماكو تغير بس القشور خفت واستمريت عليها 3 شهور ومافي تحسن وغيرت واستخدمت خلطه الفازلين مع حبوب الاوميغا 3 وملح البحر الميت مع زيت الزيتون وحبوب الحديد ومافي تغير بس مكان الصدفيه صار ناشف واحمر انصحوني شسوي تكفون الله يوفق اللي يساعدني انا متوتره وماباجي شي ع العرس |
رد: حدي متوهقه وابي مساعده بليز
لولي والله مدري وش اقولك بس دام انك عروس ليه ماتروحين تاخذين الابر البيلوجيه وترتاحين
والا تحتجمين افضل مع الدهن بزيت الزيتون وان شالله قدامك الشفاء |
رد: حدي متوهقه وابي مساعده بليز
طيب ليه ماتستخدمين سمن القطران يمكن ينفع معك في خمس ايام بس وان طول اسبوعين يارب ينفع معك
الله يوفقك بحياتك ويجعل ايامك كلها سعاده يارب :_11: |
رد: حدي متوهقه وابي مساعده بليز
متفائله كيفك مع السمن ايش اخر اخبارك؟
|
رد: حدي متوهقه وابي مساعده بليز
ياحياتي ماتقصرون
ساره انا اخاف من الابر :( متفائله وين القى سمن القطران؟؟ |
رد: حدي متوهقه وابي مساعده بليز
شوفي حبيبتي الخلطات والعلاجات العشبيه مؤقته وانتي عروس يعني بأحلى ايامك تبين ريحتك حلوة مو قطران واوميغا وخل ...
انا ايام زواجي قبل زواجي بأسبوعين رحت للدكتور وكتبلي على كريمات "كرتيزون "واستعملتها شهرين انبسطت وصرت طبيعيه لاقشور ولا خرابيط ...وبعد الشهرين ارجعي حق الخلطات ....هذي نصيحتي وعن تجربه لان لو استعملتي القطران من هينا لحد يوم عرسك بس مصيرك الايام الاولى من زواجك تتركينه بعد مانبي ننحش الرجال من الريحه :d... الف مبروك مقدما ................................................ |
رد: حدي متوهقه وابي مساعده بليز
الله يعينك يارب ويشفيك وتطلعين احلى عروس
الف مبروك |
رد: حدي متوهقه وابي مساعده بليز
اشوف لو تستخدمين العلاج البايولوجي افضل,,,الأمبريل وطقتها نتايجها سريعه وتريح وتنسيك الصدفيه وكل الاجانب يستخدمونها استخيري والله يكتب لك اللي فيه الخير والف مبروك ^_^ |
رد: حدي متوهقه وابي مساعده بليز
كل واحد له راي لوول
انا مانصحج بالعلاجات البيولوجيه بعضها تأثر عالحمل وبعضها اطيح المناعه شتسوى عليج اطيحين مريضه ولا مسخنه اسم الله عليج وانتي توج عروس ! انا انصح بكريمات الكورتيزون .. شي من برى ومفعولها قوي والله تريحج فتره عموما انتي تقدرين تستفسرين من الدكتورة قوليلها انا عروس وابي شي يريحني وبنفس الوقت مايييب العيد فيني .. مادري احس انسب واريح حل كريمات الكورتيزون مافيهم ريحه ومجرد كريم وبنفس الوقت اذا انتي ماتستخدمينهم من فترة يكون مفعولهم بالبدايه قوي واييب نتيجه وعسى الله يوفقج انتي وابو الشباب ويرزقكم الذريه الصالحه المتعافيه ان شاء الله إتهنّين يارب ;* |
رد: حدي متوهقه وابي مساعده بليز
قوه يا احلا عروس ابي انصحج بمرهم اسمه دايفوبيت فيه كورتيزون وفيه خط احمر وكل يوم كل يوم تسبحي سمعتي كل يوم وسوي هذه السنفره وبتشوفي النتايج بلحضتها ( ثلاث قفشات ملح باليود مع فنجان تقريبا زيت زيتون) وغسلي جسمج بماي وطلعي وبعدها لا تنشفين جسمج واجد خلي الزيت يرطبهواهم شي في كريم ماركة استيفيز تلقينه بمراكز سلطان واهو علاطول يشربه الجسم وخليج من غير ملابس وبعد عشر دقايق تقريبا حطي المرهم ... واهم شي مثل ما قلتلج يوميا تسبحي |
| الساعة الآن : 10:59 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour