اهلين وسهلين بكل الاخوات اللي انضموا لنا..... مي منير --صديقة الصدفيه--ضفدعه عجبني اسمك فنننني
طيب عصير الجزر وش فايدته على الريق يا ضفدعه؟؟؟؟ طيب انا قبل 10 شهور رحت لدكتور جلديه وسالته عن اللوريد ماشجعني عليه يقول ماينفع طبعا عطاني مجموعة مراهم سواها لي خلطة واستعملتها طبعا راحت الصدفيه بس طلعت بعد ماخلصت الخلطه بكم يوم يعني بدون فايده يوم رجعتله قالي عن ابر لعلاج الصدفيه استمر عليها سنه مدحها لي وقال موجوده بالرياض بالعسكري وش رايكم يابنات اخذها ولا لا؟؟؟تكفون ابي الشور بصراحه مليت لي الحين 14سنه وانا اعاني والابر هذي طلع دكتور جلديه على قناة الجرس ومدحها ويقول انها افضل علاج وان الصدفيه بتختفي بعد كذا نهائيا.. وش رايكم؟؟ |
نونو ما انصحك ابدا بالابر
يختي للحين البحوث تقول مافي علاج لانهم مو عارفين سبب تكرار الخلايا ونموها بسرعه اخاف تفيدك فتره وترجع لك بعد العلاج اشد تراني متعقده من الاشعه الفوق بنفسجيه والابر امكن كرتزون لان مره بعد الاشعه لما كان عمري 12 سنه جات دكتوره مو متابعه حالتي لان دكتوري مسافر / وضربتني برجلي 31 ابره وقالت لي وين كمان مارضيت اوريها باقي جسمي مصيبه تضربني بيدي وراسي وضهري قلت بس برجلي وشردت وطبعا بدون نتجيه الحين عمري 28 لا فائده اكثر اكثر ككككك سؤال ا ما رايكم بالصبغه وهل تزيد المرض؟؟؟؟؟؟؟؟؟؟؟؟؟ |
معليش شكلي دشيت بالغلط
|
سلااااااااااااااام للكل
مرسي يانونو على الترحيب بالنسبة لعصير الجزر سيفيدك كثيرا حبيبتي في تورد البشرة باذن الله فاشربيه يوميا على الريق هو كويس في صحة البشرة لاحتوائه على فيتامين (أ) ويصفي البشرة وينقيها، وشربه على الريق يصفي الدم، وحنا من الأدوية والكرتوزونات والخرابيط الكثيره اللي نستخدمها لعلاج الصدفية بتعب البشرة ويمكن كمان بدمرها فأعتبري عصير الجزر كوقاية. وياريت يانونو توضحي وش ها الابر بالضبط، وش مكوناتها، لان الأنواع كثيره، وانا سمعت عن ابر تستخدم لعلاج الصدفية ومافيها كورتوزون لكنها غير موجوده هنا بالسعودية وسعرها غالي عموماً أي شي فيه كورتوزون ما يريح ولا يفرح كلها ثلاث ايام وبتطلع الصدفية، ويابو زيد كأنك ما غزيت. |
اهلين ياحلوات اول شي خلينا نقول عن الصبغات بالنسبه لي مافيه اي مشكله اصبغ ولا يأثر لان صدفيتي راسي زالت للابد الحمدلله من الشامبو اللي كتبته عنه قبل كذا ..
ضفدعه بالنسبه لي مااخذت كرتزونات ولا استعمل كريمات لي فتره طويله دمي ميه ميه قاعده بقشوري هههههههههههههه اما بالنسبه للابر هي انواع... بيولجيك,ويس,رينيك,انمبرل اللي انا فهمته عنها ان مافيها كورتوزون بس تشتغل على المناعه تخفض نسبتها بالتالي تخف الصدفيه هي موجوده بالعسكري بالرياض وعلى مااظن التخصصي كمان لكن فيها شغله رادتني هي شبيهه بعلاج الكبد الوبائي الكورس يقعد حوالي سنه والمناعه صفر يعني دايم طايحه مافيني حيل لشي ياحراره ياانفلونزا وانا عندي طفلين صغنوني اخاف الهى عنهم وش رايكم؟ |
سلام لبنات المنتدى
فرحت لما وجدت تجمع للبنات انا مصابه بالصدفيه حديثا لي اقل من سنه في فروةالرأس بس ابغى اسأل اقدر اصبغ شعري ... هل توجد وحده صبغت وفيها صدفيه انا متعوده على الصبغه قبل المرض..... وايش احسن شامبو للصدفيه |
اختي بارك الله فيك على الموضوع
|
اقتباس:
|
وناااااااصه فيه كشتة سحاااالي هنا مادريت عنهااااا << طب سلمي بالاول يالمشفوووحه :) الصلام علاااكم (صدفيات) << هذا اسم شلتنا الجديد شرايكم فيه يكسر السوق تكسير انا صدفوووفه جديده توني مسجله وحااابه اكشت معكم تسان ماعندكم مانع بالنسبه لترطيب الجسم انا استخدم حبيب قلبي فازلين بفيتامين e وعلاجات المستشفيااات من زماااان جدي قايلتلهااا (( باي والقلب داعيلك ))لأنها زادت المشكله اكثر من انها تعالجها غير المضاعفات الثانيه حسبي الله ونعم الوكيل << تمسح دميعاتها وحاليا جالسه استخدم عرق السوس مطحووون ناعم ومخلوط مع الفازلين وادهن به مناطق الصدفيه بالجسم أما لفروة الرأس اخلط عرق السوس مع المويه واغسل به الرأس سبحان الله لاحظت التحسن بعد ثاني يوم ولله الحمد ولي الآن شهر تقريبا ماشيه عالعلاج ونسبة التحسن فوق 80% وحااجه ثااانيه مهمه وفادتني جداً هي الحجااااااااااااااااااااااااااااامه ثم الحجااااااااااااااامه والله يابنات انو مفعووولها عجيب بنفس اليوم اللي تحجمين فيه تحسين بتغير وتنطفي الصدفيه والقشووور تخف . وللإستحمام استخدم صابون الغار للجسم وشامبو بيبي جونسون أو شامبو ميتال الاندونيسي ناسبوني كثير ... أما إزالة الشعر مالنا غير الحلاوه الله يعين رغم الألم بس تعتبر انظف . نجي الحين للميك أب .. ابو العلل << فاقع مرارتها مع القشوور بس الحمدلله لقيت الحل السريع لتنظيف الوجه من القشووور عشان يزبط المكياج ماعليك الا تخلطين كركم للبشره مع فازلين وحطيه عالمناطق المصابه بالوجه وانتظري بس 10 دقايق الا القشره مودعتك ولطخي وجهتس عاد بالبودره مثل ماتبين :) .. انا استخدم بودره مضغوطه من vov بدوووم فاونديشن بس ابلل القطنه حقتها بمويه واحطها تطلع لك الوجه نورمال وصافي بنفس الوقت ولا قشور ولا بطيخ .. امممممممممم وش بعد ذكروووني << بتقول قصة حياااتها :) يالله عااد رحبوا فيني ياويل اللي ماترحب ترا عطيتكم وجه خخخخخخخ مزوووح مرت من هناااا :10: << احلفي |
حبيت اضيف حااجه ثانيه نسيتها بالنسبه للنظام الغذائي >> * الابتعاااااد عن المعلبات بأنواااعها والاعتماااد على الأكل الطبيعي *الابتعااااد عن المشروبات الغازيه والمنبهات ( قهوه وشاي واخواتها ) *اكل سبع حبات ( حبة البركه )على الريق مع كأس موية زمزم محلى بملعقة عسل طبيعي *شرب كأسين تقريباً باليوم من حليب الأبل الفتره اللي تقدرين عليها يعني قد ماتقدرين ويتوفرلك استمري عليه ( طبعاً يكون حليب ناقه خلفه = توها والده ) *اكل التلبينه كل يوم *البيض يهيجها علي عشان كذا انا مقاطعته مدري عنكم اللي تتحسس منه تتركه *شرب عرقسوس لو كاس باليوم *عمل حله للبطن كل شهر مره ( شرب كاس من منقوع السنا مكي ) *الاحتجاااام اذا ذكرت شي ثاني جيت سدحته |
| الساعة الآن : 08:53 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour