هله بيك صباح والله اليوم الصبح طلع سعد وراح الجوازات حتى يستلم الجواز واني اتفقت وياه ايخابرك من يصير الجواز بيده ... طبعا اتوقعت انه انت رحت الى مكان ما كما يحدث للعراقيين لاني ماشفت مشاركاتك في المنتدى بس والله حيره تركيا غاليه ... اني اسفه الباتري كاعد يخلص من اللاب توب وراح اكمل بعدين وياك
|
هلو ام سعد صباح الخير، ان شاء الله يستلم جوازه بس مرة ثانية فكري قي امر تركيا ، ليش نخلي الرحلة مرتين ، وصعوبة الحصول على فيزة حقيقية لمصر ، والاجراءات الصعبة وغيرها ، المهم الله كريم . بلا زحمة عليج اريد منج شرح وافي للعلاج الى تستخدميه لسعد مع شكرى وتقديري |
زين بس خلي انشوف التكاليف اذا بقيتو شهر وبعدين تره احنه مامسافرين يعني شغلة تركيا اسهل؟؟؟؟
هسه جاب الجواز والحمد لله اماعلاج سعد كلش بسيط جبتله من الشورجه زيت بذر الكتان علبه سرمهر وعلبه من زيت البابونج وخبطتها ويه الفازلين بمقادير متساويه بس تجربه حطيتها على ضهره اشوف بعد اسبوع بدات الصدفيات تتساوى ويه الجلد وسطها صار بلون الجلد وناعم وسالت اخونا فكري كال هذا يعني كاعد تشفى والله اعلم طبعا ضهره بيه هوايه يعني 70% وهسه يوم وره يوم احسن وراسه يستعمل ديبروساليك كل اربع خمسة ايام مره ويغسل بشامبو مال صدفيه يعني بشكل عام هوايه احسن والحمد لله اكول يمكن لانه صيف لاتقطع ويانه وشوفلنه حسبة تركيا واشلون السفر يمكن تركيا احلى وانت عاجبتك الطبيعه الخلابه ولله بكيفكم انت وسعد |
في حفظ الله و رعايته تسافرون بألف سلامة و تعوعون و العراق منتصرة شامخة كما كانت شافاكم الله و عافاكم |
اوكى ان شاء الله احاول ا شوف واحسب امر تركيا :ان شاء الله تسهل الامور
مبروك على الجواز |
مبروك خاله ام سعد على جواز ابنك يالله عقبال شفائه وزواجه
|
اشكركم جميعا ولو الجواز طلع خطا باسم الجد وراح انروح انصلحه.... يله ماكو شي عدل بالعراق
|
لاحول ولا قوه الا بالله خيره انشاء الله
|
رد: كروب عراقي الى سفاجه
بارك الله فيكنم |
رد: كروب عراقي الى سفاجه
الف حمد وشكر لله
وسبحان الله نحن نخطط ولكن الله ارحم بنا لم نستطع الحصول على الفيزا وكنت قلقه وياسه ولكن رحمة ربي كانت كبيره وشفى سعد قبل ان ندخل الصيف حيث بدا العلاج بالدهيميه كما اذكر بالشهر الخامس وبعد شهر كان جسمه خالي من الصدفيه ومجرد اثر سبحان الله والحمد لله يارب ارحم برحمتك الواسعه كل حائر ومحتاج للشفاء كما شملتني وابني برحمتك يارب |
| الساعة الآن : 07:06 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour