ذكرتوني الله يذكركم بالخير عندي استفسار . . . انا اول مره ظهرت فيني الام المفاصل كنت لا استطيع ان احرك اي مفصل في جسدي غير راسي. وبعد ساعات استطعت ان اتحرك ولاكن حركه محدوده وايضاً اصابني ضيق في التنفس حيث كنت اذا اردت ان انسدح (انبطح) يغمى علي حتى يتم رفعي فذهبت مع ابي الله يخليه لي الا دكتور نعرفه في مستشفى نفط الكويت متخصص بالمناعه وادخلني غرفه داخل عيادته حيث كان لديه مريض آخر وعندها امرني ابوي ان انسدح (ملحوظه: لم أكن استطيع التكلم سوى كلمتين في الدقيقه الواحده وبصعوبه) فاردت ان اخبره باني لا استطيع واذا انبطحت سوف يغمى علي ولاكن لم استطع ان اخبره لصعوبة النطق في ذاك اليوم فاستلقيت على ظهري فاغمي علي ولم استيقظ الا بعد مرور ساعتين او اكثر بقليل لانه اعطاني ابرة كورتيزون حتى استيقظ. فأريد ان استفسر منكم هل ضيق التنفس آن ذاك كان له علاقه بالصدفيه وآلام المفاصل؟
وجزاكم الله خيراً

مادري والله
اخوي انت جربت رقية شرعيه ؟؟
مادري نصيحه جربها
وشوف شنو العلامات الي تحصلك لو لمدة اسبوع منت خسران شي
وقول شنو الاعراض الي تسيرلك
لان العين تيي من اقرب الناس مرات
ماتدري يمكن شقا هالسنين هذا كله يرووح بلحظات
سبحانه ربك قادر على كل شي
هذي نصيحتي لك

سلام عليكم
الحنه شعرى صبغ شوى عادى انا بمريكا بنسبه للصدفيه خفت وتحسنت وعرضتها للشمس بعد افضل بوايد
حطيت دهونات ترد بس اهون
بنسبه حق تيمون ماتوقع صدفيه لها بالربوا ممكن الادويه ابره كورتيزون تسبب هشاشه وماء

الله يا خذ ابليسك يا بوسطن منو اللقال ربو انا ماقلت ربو اعوذ بالله من الشيطان الرجيم. الحمد لله مو ربو بس وقتها هذا الذي صار معي وليس ربو ولله الحمد.
ويا اختي بنت الكويت مشكوره وايد وانا فعلاً صارلي الحين ما يقارب السبع سنوات مواضب على الرقيه الشرعيه ولله الحمد وانشاء الله اواضب وما اقطعها. بس الى الآن ما حصلت نتيجه بس انا متأكد ان الله لم ولن ينساني.

اتمنى مافيك اتمنى لك الصحه والعافيه لك وللجميع

اللهم آمين يا رب العالمين والله يسمع منك انشاء الله

اشرب ماى دافى على الريق تراه ممتاز ينظف الجسم كل يوم

اللهم اشفينا وخفف علينا يارحمن يا رحيم

قريت شغله
يقولون الي يعانون من التهاب المفاصل
عالريج كل يوم شربو 4 قلاصات ماي !
واذا ماتقدر حاول كل مره تزيد كمية الكاسات ..
وبعدها ابدي وخفف .. يعني الاسبوع الي وراه يوم ترك وجذي
وجربو ماي وعسل ! لذييييييييذ وايد وبنفس الوقت احسه ينظف الجسم

مشكوره على مشاركاتج اللطيفه يا بنت الكويت والله كريم.

عذراً إليكم فما ضاعت مودتكم . . . وما ارتضينا بغير الشوق عنوانا
يامن نقشتم على قلبي مودتكم . . . وكنتم في قرار العين سكانا

أبلغ أخاً قد تولى الله صحبتهُ . . . أني وإن كنت لا ألقاهُ ألقاهُ
وأن طرفي موصولٌ برؤيتهِ . . . وإن تباعد عن سكناي سكناهُ
ياليتهُ يعلمُ أني لستُ أذكرهُ . . . وكيف أذكرهُ إذ لستُ أنساهُ

ما أطيب العيشِ الرغيدِ بأحبةٍ . . . سكنوا الفؤاد وبددوا أحزاني
سأكون حافظاً لهم ومحباً . . . حباً ينجينا من الخسرانِ
أرجو الإله بفضلهِ وعطائهِ . . . جمعاً وإياهم بخير جنانِ

والله جرب منت خسران شي
بنفس الوقت تنظف معدتك وقولونك
لان تصدقون انا سالت خدمنا شسوون اول مايقعدون من النوم !
كلهم يقولون لازم نشرب ماي عالريج !!!!
شفت شلون تلقاه طبع فيهم !
حاولو تعودون عيالكم جذي لما يقعدون من النوم لازم عالاقل يشربون نص بطل ماي !
خلوها تكون عاده لهم ! ..