راح ارجع لموضوع النفسيه انا اولادي بالمدرسه في المرحلة الابتدائيه ...

قبل المدرسه كان الوضع بالنسبة لهم عادي يعني الاختلاط راح يكون محدود والاسئله تكون موجهه لي او لابوهم عن حالتهم ...

المشكله لما صارو بالمدرسه الاطفال الثانين صارو ينفرو منهم مفتكرين انهم راح يعدوهم بالمرض ..

بالتالي اولادي ابتعدو عن زملائهم وترسخت ببالهم فكرة ان زملائهم ما يحبونهم ..

انا دايما احاول معهم انهم يفتحو باب حوار او مشاركة مع زملائهم ولكن هالشي صعب عليهم وصارو اولادي هم اللي يرفضو هالشي

يعني ولدي الكبير الحين هو بالصف السادس ولا عنده ولا صديق في فصله على مدار سنوات دراسته كلها ..

مع انه بره المدرسه احسه يتاقلم مع الناس بشكل افضل ..

وفيه كلمة هو واخوه مقتنعين فيها تماما ومهما حاولت اقنعهم ما فيه فايده

ان زملائهم يكرهونهم ولما اسالهم ليش يقولون يمه نسيتي علشان بشرتنا هم يخافون نعديهم ..


ما اقول الا الحمد لله على كل حال ويمكن مع الايام وادا كبرو شوي بالسن يقدرو يكونو شخصيتهم ويفرضو احترامهم على الاقل راح يكون تعاملهم مع ناس بدت تتفهم وتستوعب

مهما يكون الحين تعاملاتهم كلها مع اطفال ما زال ادراكهم قاصر وتمييزهم للامور على قد سنهم


معليش طولت عليكم بالكلام سامحوني

السلام عليكم ورحمة الله وبركاته


صباح الخيرات عليكم ...

مشكورة الصابرة باذن الله على الدعوة الحلوة والله يخلي الجميع يا رب ..

اخي يوسف صحيح ان فترة الطفوله مرحلة وراح تعدي بس هذي اهم مرحلة في حياة الانسان وفيها تتشكل شخصية ونفسية الطفل لغاية ما يكبر

اتمنى ان هالشي وهالابتلاء يقويهم و يزيد ثقتهم بنفسهم

اختي الغاليه رقيه والله عاد الكبار سالفتهم سالفة

انا ما يبط كبدي الا لما يسالوني ليش ما توديهم مستشفى اللي يسمعهم يقول انتظر اذنهم او لما يقولو ليش ما تحطي لهم فازلين ..

يعني بالعقل اللي يعلق او يسال هالاسئله وش ارد عليه

بس يا الله الواحد ما يقول الا الحمد لله على كل حال ...

هلا والله بام مهند ..

ووش اقول لك انا حالي حالك الحين ولدي الكبير بالسادس ابتدائي يعني شوي تاقلم مع زملائه مع ان الامر ما يخلو من مضايقات من بعض الطلاب او التعليقات السخيفه

السنه الجايه باذن الله يروح على المتوسط يعني ناس ثانيه ونبدا المشوار من جديد

ما نقول الا الله يعين على كل حال ..