ملتقى الشفاء الإسلامي

اقتباس:

المشاركة الأصلية كتبت بواسطة صرخ ـة انثى (المشاركة 1145839)

تحلمت أني اريد أستكمال دراستي العليا وانا جيت في موعد عند الرسبشين كانت في حرمتين لابسين كاب على راسهم وبلوزه بيضاء وراهم الصرافه حقت البنك حقت الراجحي
وانا جيت على موعد هم معطيني اياه على اساس اسدد الرسوم 100 ريال وانا كانت معاي الرسوم اما لا لا اتذكر لكن اتذكر انها طلبت مني 200 ريال استغربت لطلب وقلت ليش 200 وقلت لهم طيب
انا ماعندي فلوس الحين نسيت اجيبها هي الفلوس في بنك ثاني انتم من بنككم الراجحي خلوني افتح البنك الفلاني اللي فيه فلوس وتجي على بنككم قالت لا خلاص ماعندنا امكانيه روحي وهي كانت تصرفني وقالت انتي المفروض تراجعينا كل اسبوع قلت لها طيب انا من مكه عشان اجي جده مشوار افهمني لله يرحمك وكانت بيدي ورقه صغيره زي اللي تجي من الصرافه , المهم قلت حسبي الله عليكم وكنت مررررررررره معصبه والحرمه خافت يوم قلت حسبي الله عليكم قلت لها اي حسبي اللله عليكم لو ضلموتني انا جايه في موعدي وكنت من العصبيه احس برجفه داخل جسمي , ولفت بناحيه اليسار شفت ز ميلتي أسماء ( هذه تعرفت عليه بايام كنت ادرس بدوره لحفظ القران وهي اصغر مني) كانت لابسه عبياه على الراس وتبتسم وشفت بيدها 50 ريال لونها وردي قلت لها ايش تسوي قالت بعطيهم الفلوس قلت هم طالبين 200
بعدين كان في بنات ورانا سئلناهم انتم كم دفعتوا لما قدمتوا على دراسات عليا هل فعتوا 200 قالوا ايوه اوووووووووووووه دفعنا وبنت اشرتلي بيدها يعني وزياده
واحنا البنات اللي كنا واقفين على الرسبشين سكتنااااااااا
وهي الحرمه كانت تقووول اللي على الرسبشين 100 حقت التسجيل و100 تتابعي فيها مكافئتك
قلت طيب انا مابي اتابع مكافئتي غصب اتابعها مابغى مابغي اتابع المكافئه لا وكمان تبون كل شهر ندفع لكم 100 ريال عشان نتباع المكافئه انا ابي اخذها من دون ماتبعها
وكنت اقول في قلبي يمكن يبون يتابعون المكافئه عشان الحضور والغياب..
وبعدين كان في عتبات درج و وبعدين ممشى وكان على جنب الدرج رجال لابس بنطلون ابيض وبلوزه بيضاء ونحيف ويقول صح مو لازم 200 وبعدين شفت باب من قزاز اللي جوا يبان كانت صاله بس على الباب من جوا شريطه حمراء .. جات بنت بسرعه تبي تدخل وتتفاهم مع المسئولين وجات تجري ودخلت معاها وكنت خايفه وكانت بنت امن سمراء نحيفه تجري ورانا بعدين دخلت في الصاله وشوي كانت زحمه وكنت خايفه مره من حقت االاامن اللي تجري ورايه كنت اجري بس بشويش من الخوف حاطه في بالي انها راح تمسكني وكنت اغطي على البنت اللي سبقتني وتجري بسرعه بتروح تشكتي للمسئوللين .. والارض كانت ناااااااعهمه وبعدين طلعنا الدرج اتوقع هو كمان كان ناعم بس مو متاكده
ودخلنا غرفه والبنت اللي قدامي راحت تمشي وبعدين لفت على عمود وانا امشي وراها وكنت خايفه من حقت الامن , البنت شافت معلمات التحفيظ قاعدين بلارض سلمت عليهم وصارت مو خايفه وقعدت معهم بلارض على بساط اتوقع احمر بعدين انا جيت سلمت عليهم واانا خايفه وجات ابله سلمت على يدي بقوووه ( انا اعرف اسمها لكن نسيته الان لانها كنت فعلا معلمه بتحفيظ) وقالت: انصحك لا تروحي للعميده تراها معصبه شويتيتن مدري ايش فيها مو على بعضها قلت لها ايوه عارفه عشاننا بنات الماجستير وبعدين بعدت عنها شوي وحسيت كان ريحتي مو حلوه بس مدري هم يشمون او لا بس كنت احس ان رييحتي مو حلوه . وشفت فعلا العميده كانت مشغوله شعرها كان قصير ولابسه فستان لونه كحلي . وماكنت على مكتبها كانت واقفه وبعدين جيت عندها ومعاي خطاب ودرجات بنات وكنت متردده اعطيها او لا وكاني حسيت انها وقفت جنبي شوي وانشغلت بامور وجات البنت اللي دخلت معاي هذا المكان رفعت شهاده كانت في اطار لبنت متفوقه وتقول خلوكم زيها او شي مثل كذا
وشفت مكتب العميده واتوقع انها نجوى ابو زناده فاضي قل بحطوا لها على المكتب وبعدين هي بتشووفه وبعدين قلت بنفسي لا بشوف الدكتوره فايزه بوازير
وبس
حالتي قبل الحلم كنت بسوي شي غلط بعدين قلت استغفر الله ورحت انسدحت على السرير وغفيت وتحلمت بهذا الحلم
عمري 23 عازبه
كنت قاريه سوة الكهف والبقره في الصباح
وحلمي كان الساعه 5 العصر يوم الجمعه

السلام عليكم ورحمة الله وبركاته
ياابنتي رؤياك تشير لامورك الخاصة ولقد تم ارسال تفسير رؤياك عبر الرسائل الخاصة من قبل فلاتجعلي رؤياك مفتوحة لكيلا تشيري لتقصير المفسرين بارك الله فيك.