ممكن اخوى تخبرنى شصير بعد اسبوع هل يشيل القشره او يعالج الصدفيه ياريت تنورنا وتفيدنا

الله يجزاك خير اخوي
ويجعله انشاء الله في ميزان حسناتك
ووفق الله كل من يعملون في هذا الصرح الشامخ
ملتقى الشفاء وجعله الله في ميزان حسناتهم

يعطييييييييج العافيه حبوبه
ماتقصرين ..
بس اخاف بيبي جونسون يضر :s ??
يمكن فيه عطورات او شغله جذي !

يعطيك العافية أخوي بوسطن

بعد أسبوع راح تكون أغلب القشرة طاحت (ممكن أسبوعين على حسب شدة الحالة) ويظل الإحمرار فترة بعدها يبدأ يخف.

صدفية الرأس عندي كانت من الجبهة إلى الرقبة و شديييدة جداً لدرجة إني إذا نظرت للأسفل يتشقق الجلد في خلف الرأس و يتدمم.

الطريقة جربها عمي و أخوي وارتاحوا جداً
و شخص شفته بالقهوة حالق شعره قصير و القشور مالية كتفه جربها و كلمته بعد شهرين قال لي أنه مرتاح و صار يقدر يطول شعره مرة ثانية.

جزانا و جزاك أخوي فتى الخرج
الله يشافينا و يشافي مرضى المسلمين جميعاً إن شاء الله

يعطيج العاافية بنت الكويت:

أولا أنا ريال :D

استخدمي بيبي جونسون أويل الشفاف و غطاه وردي اللي يحفظ الرطوبة 10 مرات أكثر (عليه صورة قفل عليه رقم 10) أنا استخدمته حتى أثناء و جود الجروح و ما ضرني.

و لازم يضاف مباشرة و الشعر رطب.

على حسب وصفج لحالتج فهي مشابهة جداً لحالتي بالسابق و الحمد لله أخر شي يزعجني حاليا أهو صدفية الراس

أتمنى أسمع الأخبار الطيبة من الجميع

مشكور اخوى للرد والفائده اتمنى تروح بحر وتغسل راسل را تشوف تطور ولكن استمر فى كل الاحوال


بنت لكويت بدلتى جنس الريال صرتى حوله عيل انا بنظرك وحده مبرقعه وتيمون منقبه ههههههههههههههههههه


اطفرك شيكى على الجنس قبل الرد هههههههههههههههههههه

هلا والله بوسطن

البحر اهو صديقي بالنسبة للعلاج من الصدفية و إن شالله الصيف هذا راح أسكن بالشاليه لمدة شهر ونصف إلى شهرين

الصدفية حالياً تغطي 60 % من جسمي أو أكثر لكن الصيف اللي فات كانت مختفية تقريباً بعد ما قعدت 10 أيام بالشاليه

مع ملاحظة إني ما أسبح إلا فترة عز الظهر إلى الساعة 4 العصر و أكثر من شرب الماي و بعد ما أخلص من البحر و التشمس أسبح بالدوش و أتدهن بلوشن الفازلين و النقطة الأهم أن البحر يريح بالي.

ما أنصحك تسبح بمنطقة الجون أو البلاجات بشكل خاص وخر عنها روح جنوب أحسن لك

طبعاً حبيت أظيف ملاحظة أن الصدفية ارجعت لي بشكل قوي لظروف نفسية صعبة جدا و ناطر الصيف حاليا على نار

سؤال ليش تنطرون الصيف روحوا البحر بالشتا تسبحواا ولى مايقدر ياخذ ويمسح على جلده

والله راح تخف ماترجع بقوه بكل الاحوال تعانون اقولكم عن تجربه