رد: علاج للصدفيه وصلني اليوم
انسام ابنتي ان شاء الله استهديتي على نبتة لسان الحمل
ان شاء الله راح اسال عنها بالويك آند العطار ويارب الاقيها ويعرفها العطار اخاف يعطيني شي نبتة اخرى عشان يبيع سلعته -اخاف من العطارين ومكرهم- مشكووور دكتور على سؤالك عني ويا سارونه بالتوفيق وان شاء الله تظهر معك النتيجة باقرب وقت . |
رد: علاج للصدفيه وصلني اليوم
ههههههههههههه الدكتور عباس له خبرة بالاكل العراقي واضح باجة باقلاء ودهن وخبز ودولمة.. حلوة هذه الاكلات ..معزوم يادكتور تفضل |
رد: علاج للصدفيه وصلني اليوم
اخوي الغالي انت على البال بس للعمر حوبه
لو شويه اتذكرني واني بالخدمه لو ضمن امكانياتي |
رد: علاج للصدفيه وصلني اليوم
اقتباس:
عزيزتنا الانوار شكرا لمشاعرك النبيله ومقبوله عزومتك انا ابن كربلاء خريج بغداد كلية القانون والسياسه مبعد عن بلدي جبرا منذ عام1997 الله يعافيك وشكرا مرة اخرى د عباس |
رد: علاج للصدفيه وصلني اليوم
الله يعيدك الى العراق سالم غانم
واهلا بابن كربلاء وابني اتزوج من كربلاء ابنيه علويه |
رد: علاج للصدفيه وصلني اليوم
السلام عليكم..
شخبارك د.عباس.. انشالله تكون باحسن حال.. مااشالله على هالاكلات العراقيه شهيتونا بصراحه وبذات الدولمه احبها :ppu اما بالنسبه لاخر التطورات.. فانا ماشيه على نظام الحميه بنسبه 65% يعني مبتعده عن السمج البرتقال الفراوله الليمون بس القهوة والخبز احاول انشالله امس حطيت كميه قليله من الدهن والحمدلله ماكن في حكه قويه .. كانت خفيفه.. واليوم بعد حطيت ونفس الشي..حكه خفيفه حيل مقدور عليها..وانا ماقدر احكم الحين بصراحه متفائله وانشالله خيررر.. الحين صار وقت الاسئله :D تدكتور اذا تبي حبه بندول عندي لاني عورت راسك ادري.. 1- مافي حبوب للحكه تنصحني فيها وتكون ماتسبب نعاس ومالها اثار جانبيه؟ 2- بعد مااحط الدهن اخليه من نص ساعه الا ساعه صح واغسله بعدها بماي؟ يفضل يكون مكشوف ولا اغطي بشاش او خام قطن عادي؟ 3- انا اذا برطب ايدي استخدم خلطه الدهيميه (فاولين+زيت بذر الكتان+زيت زهرالبابونج) أو تفضل دكتور استخدم خلطتك(زيت خروع وزيت لوز وزيت زيتون) 4- الجفاف اللي حول شفايفي تحول للون الاحمر وزواي الفم شوي متشققه وطالعه بعد مثل حبه الحراره اللي فيها قيح (خراج)على احدى الزوايا ..وحتى لو يلتأم الشق اللي عالزوايا لونه صار بني خفيف..حيل متضاايقه من هالشي ومزعجني حطيت امس واليوم عليه من خلطه المر .. شرايك اكمل ولا في شي احسن تنصحني فيه؟؟ - انشالله يارب اكون اوال حاله شفائيه تحت اشرافك دكتورفي المنتدى:D خاله ريم شاكره لج اهتمامج.. انسام مشكوره عالدعوة الحلوة ياحلوة.. |
رد: علاج للصدفيه وصلني اليوم
اقتباس:
صباح الخير بنتي سارونه طريقك ان شاء الله يوصلك للشفاء بعون الله تعالى سؤالك الاول في خلطة للحساسية تقلل الشعور بالحكة ولا انصحك فيها الان حتى يتبين لنا مفعول العلاج. السؤال الثاني الدهن مرتين اذا مو ثلاثه ويفضل بالمرة الاخيره ان تضعي الشاش وتتركيه للصبح اذا ما يضايقك. ثالثا افضل خلطتي فهي توقف الحكاك وتبرد الجسم وتنعم البشره رابعا قد تكون الي في زاوية الفم اما لطمة حمى وهذه تزول مع اثارها او تكون نتيجة انعكاسية لاحد الادوية التي استعملتيها مسبقا وعلى اسوء احتمال انها ستاخذ وقت وتزول ان شاء الله وعلاجها لاحقا باذن المولى مع تحياتي \ دعباس:o |
رد: علاج للصدفيه وصلني اليوم
حبيبتي سارونه لاتنسين بعد الشفاء باذن الله
تسويلنا موضوع حلو وبشكل مفصل عن طريقة العلاج هذه وباسلوبج الحلو ونحن بانتظار الشفاء التام باذن الله والموضوع الحلو اللي راح انشوفه ونستفيد منه |
رد: علاج للصدفيه وصلني اليوم
الله يسمع منج خاله ريوومه بس اتشافى يااارب.. راح اكتب احلا موضوع انشالله .. صدقيني خاله مارح احتاج لحبر لكتابته راح اكتبه بدموع فرحتي :ppu
انا ماشيه على العلاج والله يكتب اللي فيه خير.. وحتى لو ماشفيت ماراح ايأس عاادي بكمل مشوار البحث والتنقيب (نفط مو علاج:ppu) الله لايحرمني منج يااحلا خاله.. د. عباس اشكر لك اجاباتك الشافيه واهتمامك.. بالنسبه اللي حول شفايفي مو حراره لا.. اهو كان جاف جدا وانا غلطت وحطيت خلطه هجهوج(الخل والفازلين) مع انه اهو حذر وقال لاتحطونها على الوجهه بس انا مانتبهت ..على العموم الخلطه ماناسبت جسمي فشلون وجهي.. هالكلام قبل 3 اسابيع ومازال الاثر موجود والتشقق والجفاااف مو طبيعي (لاعت جبدي) انت نصحتني بزيت اللوز الحلو..انا ابي ارطبه او اعالجه ..شنو اقتراحاتك دكتوري؟؟ الله يجزيك الجنه ياارب... |
رد: علاج للصدفيه وصلني اليوم
والله ياسارونه التنقيب كلمه ترهم مع علاج الصدفيه
ولو كنا ننقب عن النفط كان من زمان حصلنا على الالاف البراميل بس احنا وره الصدفيه والزمن طويل والله اني متفائله لان الوضع العام للاعضاء المصابين بالصدفيه والاكزما الان احسن كثير من العام الماضي اي كلامنا هنا جايب نتيجه والحمد لله |
| الساعة الآن : 01:25 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour