رد: تقرير عن امكانية علاج الصدفية بشكل دائم
 

غير صحيح للأسف .. أرجو مراجعة نتائج اختبارات كوزنتيكس وتاتلز (مثبطة il17 ) .. فائدتها حققت 20 بالمئة فقط على الاقل عند 50 بالمئة فقط من المرضى .. أي أن نصف المرضى لم تتجاوز عندهم الفائدة 20 بالمئة على الاكثر .. وربما لم يستفيدو منها ابداً ..

رد: تقرير عن امكانية علاج الصدفية بشكل دائم
 

السلام عليكم استاذ بسام
ف الحقيقه كنت اتمني حضرتك تناقشني ف كل معلومه علي حده وفي مكانها بدلا من انك تكتب موضوع طويل كده وتنسخه كل شوية.. ولكن انا واثق ان السبب هو خوفك علي المرضى وانا احتراما لهم برضو هرد عليك هنا واسف عالاطاله ف الرد واتمني يكون كافي.

اولا:انا لم أخفي انى اعمل ف المجال الطبي وبالتحديد ف العلاج البيولوجي ولكن دي مش معلومه لازم اقولها للناس ولو انت متابع كويس انا اتسالت عن ده عالفيس وقولت ده.. انا اعمل ف مجال التسجيل الطبي .. ببساطه التراخيص الطبيه وما يتضمنه من دراسه للادوية.. وبالتالي انا مليش مكسب مادي او معنوي من البيع او غيره,, الحمد لله ناس كتير بعتو يسالوني واتحدي حد يطلع يقول انا وجهته او استفدت ماديا منه او تعاملت معه ف بيع او شراء بالعكس كلامي انى بحاول ازود وعي الناس وكل مريض بنصحه يتابع مع الطبيب الخاص او لو سالت برشحله اطباء معروفين.. ليه مينفعش افضل اقول معلومات عني لان قوانين العمل تمنع ده.

ثانيا: حضرتك بتشكك ف نسب الشفاء اللى كنت عرضتها وسبق ورديت علي حضرتك ممكن تتاكد منها ونتناقش.. الكوسينتكس كعلاج اخذ موافقات ف علاج الصدفيه وصدفية المفاصل و التيبس المناعي الفقاري.وبالتالي هو فعال ف كل الامراض دي ومساله النتايج ممكن نتناقش فيها ولكن انا هعرض صورةه لنتايج خاصه بمرض الصدفيه واللي انا عرض نتايجها من فتره وقلت 80% من المرضى بيوصلو لنسبه شفاء 90% او اكثر ف خلال 4 شهور وبالتالى اختفاء الصدفيه من كل الجسد(وده تعريف الاطباء من خلال خبراتهم.
وده مصطلح اسمه PASI 90 معرفش حضرتك تعرف معناه ولا لا بس عموما ببساطه ده (مقياس نسبه التحسن ف الصدفيه) عموما اول صورة مرفقه من دراسه اسمها clear بين كوسينتكس وستيلارا ونشرت ف امريكان اكاديمي جورنال وده غني عن التعريف انا قصيت الصورة عشان الحجم وياريت تشوف النسبه كما ذكرتها ولا كنت بزود !! لو محتاج اي توضيح لاي معلومه ف الصورة لو سمحت اسالني

ثالثا:بخصوص تحريف المعلومات وكما ذكرت موضوع علاج الصدفيه: ممكن حضرتك تقرا الكلام اللي انا كتبته وتقولي فين كلامي اللي حرفت فيه او اكدت فيه عن ان الكوسينتكس يعالج الصدفيه !! انا قلت ان دي دراسه نشرت ف اكبر مؤتمر طبي ف العالم خاص بالجلديه, وان ف دراسه ضخمه هتتعمل للتاكد وانا بنفسي قلت ان دي معلومه ممكن تكون غلط ولكن الامل ان قبل كده مكنش حد بيتكلم اصلا عن امكانيه علاج اصلا وايضا وضحت ان انا بنقل خبر ولم اصرح بمعلومه كما تتهمني,, حتي عنوان الموضوع كان باسم تقرير !!.. حضرتك قلت انها 10% بس من الناس انت شايف ان ده قليل انا شايف ان لو ف امل ان 10 من كل 100 مريض ممكن يتعالجو نهائيا من الصدفيه ده اعجاز علمي ويستحق البحث والتدقيق !! ولو حضرتك ركزت ف الكلام الانجليزي هتقرا ده,, ومصطلح تعديل الجينات ده اللى طرح ف المحاضره اللى نشرت الدراسه دي ف المؤتمر.
These results suggest that Cosentyx may go beyond simply treating symptoms and could actually modify
the course of psoriasis

خلي بالك مش كل الناس هتفهم الكلام المعقد وبالتالي بحاول ابسط اى معلومه بقولها وبعتذر لو خانني التعبير ف اي معني ولكن برجاء مينفعش تترجم الكلام ترجمه حرفيه وخلاص.. عموما ده لينك موقع مين الاف المواقع اللى اتنشر فيها التقرير ده
http://www.pmlive.com/pharma_news/co...atment_1189571

رابعا: غريبه انك بتقلل من مرض الصدفيه وتاثيره ع حياة المرضي واعتقد مرضي كتير مش هيتفقو معاك !! وكمان انا عايز اوضح بس انت بتتكلم عن الصدفيه كانها مرض منفصل ولكن انا بتكلم علي مجموعه كامله من الامراض اللي ممكن تحصل نتيجة الخلل المناعي المسبب للصدفيه واللى منها تاثيره عالمفاصل والعمود الفقري وزيادة مخاطر امراض القلب وغيرها,, ثانيا انا بتكلم من ناحيه علميه وبروتوكلو او خطوات علاج الصدفيه وتسلسلها هل تختلف ان العلاج البيولوجي ركن اساسي فيها !! في اي حاله يفشل معها العلاجات التقليديه او حالات الصدفيه الشديده واللى يكون فيها المرض نشط لابد من استخدام العلاج البيولوجي بشكل عام. انا مبجيبش كلام من دماغي ولا بقول استخدمو وصفه ولا علاج ف غير مكانه .. ولكن انا شايف ان معظم المرضي ميعرفوش ان ف علاج بيولوجي اصلا ممكن يديلهم نتيجه حقيقيه تساعدهم يمارسوا حياتهم بشكل طبيعي بالعكس لقيت وصفات وتاليف وحاجات عجيبه ليس لها اى اساس علمي وده كان سبب اهتمامي بتوضيح المعلومه للمرضي وبعكس كلامك انه غالي انا قلت ف ناس كتير ممكن تستفيد منه بدون فلوس ولكن المهم يعرفوا ان في علاج اصلا عشان يقدرو يستفيدوا منه !! وده افضل من ان الناس تجهل وجود علاج اصلا, حتي لو كان شخص واحد هيستفيد من حقه علينا انه يعرف ويستفيد.

خامسا: لو سمحت متاخدش كلام مقطع وتحطه عشان توضح اني مخطئ او اني بقلل من قيمه اي مريض وغيره !! لو ركزت بضمير شويه وانت بتقرأ ف الموضوع هتعرف ان الموضوع بيتكلم عن متي يجب اللجوء للعلاج البيولوجي بشكل عام وليس منتج بذاته !!! والموضوع بيتكلم عن نقاط قد تؤثر ع القرار ده ومنها. تاثير الصدفيه ع حياة المريض بمعني لو حد موظف بيتعامل مع ناس بشكل كتير وناس بتتعامل ان اي مرض جلدي معدي بالتالي الشخص ده ممكن يسيب شغله ويعتزل الحياه ف ده شخص محتاج علاج فعال وممكن يخليه يفكر ف البيولوجي..
ومثله لو بنت هتتجوز وعندها صدفيه ف وجهها وده عاملها مشكله نفسيه مش تقليل منها ولا من كيانها ولكن دي ممكن تلجأ للعلاج بيولوجي.. دي امثله بسيطه وواقع للاسف ف حالات كتير.. ف لو سمحت متفهمش الكلام غلط وتتهمني وخلاص وده لينك الموضوع للي حابب يطلع عليه عشان يشوفه الكلام كامل
http://forum.ashefaa.com/showthread.php?t=176071

المرض ليس نهاية العالم ولكن اكتر من 50 % من المرضي يدخلون ف حالات اكتئاب وبعضهم بيعتزل الحياه فعليا بسبب المواقف المحرجه الليى ممكن يتعرض لها او جهل الناس حوله او فقدانه الامل ف العلاج, او طبيعه مرضه مثل ان حد يكون عنده صدفيه ف الاعضاء التناسليه مثلا..

الحقيقه انا بكره اكون ف موضع اتهام وكنت اتمني لو ف غلط ممكن تنصحني به انت او اي شخص تاني, احترم النقد والاختلاف,, والحمد لله انا سعيد ان ف مرضي كتير بدأو يسالو ويستشيروا اطبائهم ويحاولو يخلصوا اجراءات انهم ياخدو علاج بيولوجي عموما ويستفيدو منه باذن الله.. ومازلت اتحدي انت او اى شخص يقول اني حاولت استفيد منه ماديا او باي شكل.. وربنا يعلم باللى بحاول اساعد به كل اللى اقدر اساعده.
تحياتي للجميع واسف عالاطاله بس التوضيح كان لازم,,

http://forum.ashefaa.com/picture.php...pictureid=1752

رد: تقرير عن امكانية علاج الصدفية بشكل دائم
 

انا مش فاهم حضرتك بتتكلم عن اي دراسه بالضبط و بخصوص التحسن ف المفاصل ولا بخصوص الصدفيه،،
واستاذنكعشان اعرف اجاوبك قولي هل تعمل ف المجال الطبي وعلى درايه كامله بطبيعه الامراض المناعيه اللى بنتكلم عنها وطرق قياس نسب التحسن ولا حضرتك مجرد حد مطلع وقرأ عالنت

رد: تقرير عن امكانية علاج الصدفية بشكل دائم
 

نعم أخي أتكلم عن التهاب المفاصل الصدفي

للأخ السائل والاخوة القراء .. هنا (باللغة الانكليزية ) دراسة على 606 مريض بصدفية مفاصل لمدة سنتين .. تجدون النسب المذكورةhttps://clinicaltrials.gov/ct2/show/...ect=X01256#all

50 بالمئة من المرضى بصدفية المفاصل لم ينجحوا في الوصول لهدف التجربة والذي هو تحسن 20 بالمئة على الاقل في حالة المفاصل :

حيث كانت نسبة الواصلين لهدف التجربة (تحسن 20% على الاقل) هي التالي
Secukinumab (75mg) : 50.5%
Secukinumab (150mg) : 50.0%

أي أن النصف الاخر من المرضى (الخمسين بالمئة الأخرى) لم يصل لــ 20 بالمئة تحسن في حالة التهاب المفاصل الصدفي

رد: تقرير عن امكانية علاج الصدفية بشكل دائم
 

كده حضرتك بتاكدلي انك قارئ ولست دارس اسمحلي اوضحلك بعض النقاط:
اولا اسمحلي اوضح للقراء ولحضرتك بعض المعلومات عن مرض صدفية المفاصل باختصار شديد: مرض مناعي مزمن يسبب التهاب ف المفاصل ويؤثر علي الاظافر والتهاب وانتفاخ كعب القدم و انتفاخ اصابع اليدين او القدم (Enthesitis & Dactylitis) وفي حاله عدم علاجه يصل ل تآكل العظام (Arthritis Mutilans), طبعا اى تآكل ف العظام ده غير قابل للاصلاح. وياريت تعمل بحس عالكلمات الانجليزي المكتوبه عشان تشوف الحالات ممكن توصل لايه.
طبعا المرض ممكن يصيب 5 مفاصل ودي الحاله البسيطه ومع نشاط المرض يبدأ عدد المفاصل المصابه ف الزياده. جدير بالذكر ان حوالي 30-40 % من مرضي الصدفيه يصابون ب صدفيه المفاصل. ولازم نعرف ان التحكم ف الامراض دي اللي بتصيب العظام والمفاصل بيحتاج وقت وخصوصا ف امراض صعبه زى دي.
ولان ده مرض مزمن نجاح العلاج هو اننا نقلل الالتهاب ونقلل نشاط المرض عشان نمنع انه يدمر مفاصل تانيه ونقلل تأثير المرض ع حياة المريض.

ندخل بقي لموضوع الدراسات والنتائج:
اولا ف دراسات كتير اتعملت وكتير منها لسه مستمر حتي الان وطريقه عرض النتائج كتيرة جدااا انا هحاول اكون بسيط قدر المستطاع
حضرتك اللينك اللي عرضته دراسه اسمها future 1.. النتائج اللي حضرتك عرضتها محسوب فيها الناس اللي مكملتش التجربه او مكنوش ملتزمين باوقات المتابعه دول محسوبين ع انهم غير مستجيبين للعلاج ف حين انه ف طريقه عرض اخري وهي ان الناس اللى مكملتش بتتشال كل نتايجهم من الدراسه عشان نحسب نسبه حقيقيه لفاعلية العلاج الحاجه التانيه حضرتك عرضت 6 أشهر فقط ف حين ان التجربه مستمرة ومعروض نتائج لحد سنه ف لينكات اخري ده لينك بيتكلم بتفاصيل اكتر ولو حد احتاج اى توضيح يقولي انا هاخد منه سطر واحد بس هتلاقيه موجود ف النتائج لو فتحت اللينك
http://www.nejm.org/doi/full/10.1056...2679#t=article

On the basis of observed data, the corresponding numbers for the ACR20 response were 121 of 174 patients (69.5%) and 115 of 172 patients (66.9%), respectively
هنا هما حسبو الناس اللى كملت عالعلاج فعلا ولغوا نتائج الناس اللى كانت غير منتظمه ف التجربه وكانت النتيجه بعد سنه 70 % من المرضي وصلو ACR20 للنتيجه المعمول عشانها الدراسه. و 50% من المرضي وصلو ل ACR50

ف دراسه تانيه مستمرة حاليا باسم FUTURE 2 النتايج فيها وصلت 79%

طيب اسمحلي اوضح ان ف حاجات كتير بنقيس بها التحسن ف المرض
ACR 20, 50, 70 والنسبه المكتوبة دي مش بس 20 % تحسن وخلاص لا ده بيقيس التحسن ف عدد المفاصل المتورمه والملتهبه وكمان تحسن ف اعاقه المريض او الوظائف الحركيه وتقييمه للالم وتقييم الطبيب للالتهاب وغيره وبالتالي الموضوع ده مش سهل او بسيط انا نختزله ف 20% تحسن وبس وكمان بالنسبه للمرض ده وللعلاجات اللي كانت موجودة فان نتائج الكوسينتكس افضل.

ثانيا انا وضحت ف البدايه ان هدف اساسي من علاج المرض ده اننا نقلل نشاط المرض ونمنع تدمير مفاصل اكتر:
بالتالي ف مقياس ل ده وهم DAS28 , mtss
والنتائج اللي ف الدراسات جيدة جدا وف نفس مجموعه الامراض تيبس العمود الفقرى وده مهم جدا فيه توقف المرض او structural damage عشان كده فيه تركيز كبير ف دراسات علي الموضوع ده.

اسف عالاطاله وان كان ف نقاط كتير جداااا ممكن النقاش فيها وتوضيحها ولكن المجال صعب هنا واتمني كده اكون وضحت للجميع كل نقاط النقاش المهمه وكملت المعلومات الناقصه عند البعض ..
اخيرا انا غير مستفيد ماديا ولا معنويا من اي مريض ياخد اي علاج وهدفي الوحيد هو انى ازود وعي الناس عن العلاج البيولوجي بشكل عام ودوره الاساسي ف علاج الامراض المناعيه المزمنه واى حد محتاج ايه مساعده اتمني اقدر اساعد وفى النهايه لازم اى مريض يرجع للطبيب المعالج طالما متاكد انه مطلع علي كل اساليب وانواع العلاج.
دمتم بخير

رد: تقرير عن امكانية علاج الصدفية بشكل دائم
 

أنا عزيزي لا يهمني أن أوكد لك أو لغيرك أي شيء ..ليس لي مصلحة مادية أو غيرها .. فانا لست مندوب تسويق علاجات بيولوجية .. حتى أني لم أضيع وقتي في الرد على كلامك السابق المليء بالمغالطات واللف والدوران .. وخصوصاً أنك تتبع أسلوب حشو وإغراق الرد بسيل من المعلومات خارج الموضوع للابتعاد عن قضية الخلاف الأساسية ..التي هي (مقدار فائدة الدواء لصدفية المفاصل)

عن كوني قارئ أو دارس فهذا خارج موضوع الخلاف الذي هو (مقدار فائدة الدواء لصدفية المفاصل) .. على الاقل أنا اعرف أن الدواء لا (يغير في الجينات :) ) بعكسك أنت ..شخص يقول مثل هذا الكلام عن ((تغيير الجينات)) لا يحق له تقييم قدرات الاخرين (دارسين ام قارئين) وانا لم اكن اريد ان أشخصن الموضوع لولا أنك بدأت بذلك .. .. وإن كنت طبيب بشري فعلاً.. فمصيبتنا بنظام التعليم أعظم ..

بالعودة للموضوع عن نتائج .. وبعد تجاهل المعلومات الزائدة خارج القضية .. مثل شرح التهاب المفاصل وأعراضه وأسبابه و الخ الخ ..
1- للتجربة هدف أساسي اسمه Primary end point .. ترخيص الدواء يؤخذ بحسب تحقيق هذا الهدف الاساسي .. وهو تحسين حالة التهاب المفاصل بدرجة 20 % على الاقل بعد ((24)) أسبوع ..عند عيارات دوائية معينة..
إن نتيجة هذه التجربة موجودة بوضوح في كلا الرابطين الذي وضعته أنا والذي وضعته أنت (وكلاهما لنفس التجربة بالمناسبة) النتيجة هي 50 بالمئة من المشاركين كما أقول أنا منذ البداية .. وهذا الرقم موجود بوضوح في كلا الرابطين (حتى في الرابط الذي وضعته أنت) .. لكنك وللغرابة تلجأ للحيلة مجدداً .. وكأنك لا ترى نتيجة التجربة حتى في الرابط خاصتك !! وتختار نتائج المتابعة Follow Up . بدل نتائج التجربة الأصلية. .وهذا ما انتقده منذ البداية .. انتقائية المعلومة واللاحيادية.. (بما يخدم هدف البيع كما أتهمك) .. عد إلى الرابط الذي وضعته أنت واقرأ Study Design ستجد أن النتائج تؤخذ عند الاسبوع 24 .. لذلك عندما تتكلم عن نتائج التجربة أحضر نتائج الاسبوع 24 وليس غيره...
2- طبعا المنسحبين من التجربة يدخلون في الحساب .. وخصوصا ان النسبة الاكبر من المنسحبين سبب انسحابهم هو إما قلة فعالية الدواء أو بناء على توصيات المشرف (بسبب وجود مشاكل جانبية) أكثر من المنسحبين من تلقاء أنفسهم .. (يرجى مراجعة جدول المشاركين والمنسحبين وأسباب انسحابهم) وليس بسبب عدم انتظامهم كما تقول انت !!... يعني اذا تريد النسبة الحقيقية للفائدة في العالم الواقعي يجب بالضرورة ان يؤخذ هؤلاء بعين الاعتبار (وهذا ما حصل فعلاً في التجربة ).. لذلك رجاء لا تتكلم مرة ثانية بدون تأكد .. كي لا تضيع وقتي في الرد ..ووقت الاخرين .. وارجو أيضا ان لا تشكك بمصداقية معلوماتي (وقدراتي حتى !!) بناء على معلوماتك الخاطئة ..والتي يصعب عليي ان اصدق انها غير مقصودة .. وتذكر حضرتك أن هناك المئات من المختصين يقرؤن كلامنا لان .. فلا تظن أنني وحدي من يتابع .. التشكيك الشخصي فيني غير مفيد. وحشر مفردات مفخمة ومصطلحات علمية بدون داعي ل(بلف Bluff) القارئ البسيط.. لا تقول مثلا أكاذيب مثل: ((ومصطلح تعديل الجينات ده اللى طرح ف المحاضره اللى نشرت الدراسه دي ف المؤتمر)) ثم تضع نص بالانكليزية كشاهد على الكلام وهو لا يحوي على هذا المعنى بأي شكل!! وهو التالي : ((hese results suggest that Cosentyx may go beyond simply treating symptoms and could actually modify
the course of psoriasis)) هذا اسلوب لا يليق بشخص يقول عن نفسه أنه طبيب ..
يا رجل .. معقول (((تحسن))) عند 10 بالمئة فقط من المرضى لمدة سنتين تسميه في عنوان المنشور: ((امكانية علاج الصدفية بشكل دائم )) !!!

اذا بدوت لك غاضب وقليل الأدب في كلامي .. فاعذرني فأنا مريض صدفية وصدفية مفاصل .. وعندي حساسية زائدة ضد المتاجرين بمشكلتنا الصحية

رد: تقرير عن امكانية علاج الصدفية بشكل دائم
 

لا شخصنه ف الموضوع وبخصوص الكلام الكتير ف الرد ف لازم الرد يكون فيه تفاصيل وكمان عشان مري كتير ما بيكونو مدركين لكل تداعيات المرض .. انا دكتور صيدلي وعشان كده حتي قلت انا بنصح اى مريض يرجع للطبيب المعالج له

سيدى الفاضل انا وضحت وقلت ان ف كذا طريقه لعرض النتائج ف الدراسات وحتي الدراسه اللى بتتكلم عليها مدتها سنتين وكما وضحت ف دراسهاخري مدتها 5 سنوات لانك بتتكلم عن مرض مزمن..
حضرتك ذكرت انه primary end point عند 6 اشهر ودي حقيقه واضحه وان ده اللي بياخذ العلاج التراخيص بناء عليه.. وحسب الدراسهاللى انتى ناشرها هو بالفعل نتجته فعاله بدليل انه مرخص بالفعل ف هذه الامراض..
ولما عرضت انا النتايج لمده سنه ده كان بسبب ان ده مرض مزمن ومدمر للمفاصل وبالتالي المريض المفروض بيستمر عالعلاج لفترات طويله وايضا نجاح العلاج كمان ف انه يوقف تقدم المرض وده يقاس ايضا ع فترت طويله عشان يقدرو يلاحظو لو ف اي تغيير.

عنوان الموضوع والكلام اللى نسخته يا اخي انا نسخت الكلام اللى موجود فيه جمله واضحه ان ف نظريات ان كوسينتكسممكن يكون علاج يعدل المرض مش مجرد علاج يعالج اعراض المرض وخلاص.. وكمان اقرا الموضوع لو سمحت انا اول واحد قلت ده نظريات قابله للتاكيد او الخطأ وفي دراسات هتتعمل عشان تاكد الموضوع يبقي ما تلومني انى قلت معلومه ولا غيره انا نقلت خبر وخلاص

ياريت كفايه نقاش لحد كده وبعتذر عن اي خطأ او اي اساءه وصلت بدون قصد..
رمضان كريم عالجميع

رد: تقرير عن امكانية علاج الصدفية بشكل دائم
 

أنا (بنسخ الموضوع كل شوية) علشان انت فتحت اكثر من موضوع تمجد فيه الكوزنتيكس بطريقة لم أجدها مقبولة من حيث الحيادية .. لذلك وضعت نفس الرد في كل الاشرطة تلك .. وسأعرض تالياً بعض الامثلة الاضافية إلى جانب اعتراضاتي السابقة بناء على رغبتك بوجود تفاصيل .. ولأن موضوع الخلاف بحاجة لحسم .. وهو فعالية الكوزنتيكس لعلاج صدفية المفاصل .. وهل هو افضل من هوميرا مثلا بهذا الخصوص تحديداً


il17 ليست خلايا بل بروتينات .. وأنا لم أكن أريد التدقيق في مثل هذه التفاصيل لولا كلامك عن من هو دارس ومن هو غير دارس

الجينات موروثة من الاب والام وموجودة في كل خلية من خلايا الجسم وهي لا تتغير لا بواسطة كوزنتيكس ولا بغيره .
ثم انه لا يوجد دراسة بمليارات الدولارات !! .. أضخم دراسة لا تتجاوز بضعة ملايين من الدولارات .

- بالنسبة لصدفية المفاصل لم يوجد فرق في النتائج بين الادوية البيولوجية الحديثة والقديمة .. لاحظ في الاسبوع 24 النتيجة عند هوميرا أفضل من كوزنتيكس 57 % مقابل 50 % لصالح هوميرا (مقياس ACR20 الاكثر استخداما في تقييم العلاجات التي تستهدف المفاصل)

المصدر https://www.humirapro.com/dermatolog...-clinical-data
أما دراسة المقانة مع هوميرا التي تجريها الشركة المنتجة لكوزنتيكس للمقارنة بين الدوائين في علاج صدفية المفاصل لم تبدأ بعد ..وهي على الرابط التالي:
https://clinicaltrials.gov/ct2/show/NCT02745080


بما أنك تساءلت عن تخصصي فسأعطي لنفسي الحق بالمقابل في نقاش تخصصك .. أنت تعمل في مجال العلاج البيولوجي تحديداً كما تقول .. هل يعني أنك تعطي أدوية بيولوجية للمرضى بنفسك؟ .. لأنه في مصر لا يوجد تسجيل وتراخيص طبية ودراسة للأدوية البيولوجية .. ففي مصر لا يوجد صناعة لادوية بيولوجية .. لذلك التراخيص للأدوية اللي حضرتك تعمل به ليس له علاقة بالادوية البيولوجية .. إلا مع الادوية الاجنبية مثل كوزنتيكس

ثم أنه هناك ادوية اخرى تعادل بل تفوق كوزنتيكس من حيث النتيجة .. والاثار الجانبية وتحديداً الدواء (تالتز) .. فلماذا لا نرى لك حماسة مشابهة لهذا الدواء .. لماذا الكوزنتيكس بالذات؟

أنت قلت ذلك في موضوع هذا المنشور ( تقرير عن امكانية علاج الصدفية بشكل دائم) وهذا غير صحيح كما شرحت سابقاً ..ولما واجهتك بذلك .. أحلت ذلك إلى "خيانة تعبير" من قبلك .. أو لمتني أنا لأني أقوم بــ "ترجمة حرفية" !! ومرة أخرى تطلب مني التدقيق في النص الانكليزي وكأنك تقول لي : "انظر إلى اللبن .. لونه أسود " وأنا أنظر إليه مجددا واراه غير ذلك
..النص الانكليزي أمامي وأمام الجميع .. وأنت مصر على استعماله كشاهد!! وهو لا يقول علاج دائم كما ورد في العنوان ولا يقول جينات ولا حاجة من دي !! يا رجل لم يسبق لي ان استخدمت هذه الكمية من إشارات التعجب (!!) في تعليقاتي سابقاَ!!

نقطة هامة :
يجب أن تسأل من سيدفع كلفة العلاج اذا كان ده كثير أو قليل او مناسب .. أنا لا أعرف .. انا انقل المعلومات للمرضى بأمانة ..وهذا فقط ما أطالبك به .. الامانة في النقل .. أما تقييم تلك المعلومات واتخاذ قرار سيعود لمن سيدفع المال بعد ان يحصل على معلومات صحيحة ودقيقة .. هذا هو لب المشكلة

لا يجوز أن تبرر نقل معلومات خطأ أو مبالغ فيها أو انتقائية بذريعة التبسيط ..ثم تتهم من يصحح لك بأنه يترجم بشكل حرفي!! .. هذا سلوك مستفز .. يا ريت لو كنت تترجم انت ايضا بشكل حرفي .. وتعفينا من كل هذه الالعاب البهلوانية.

أنا مريض بالصدفية اصلا مع صدفية المفاصل .. وأعرف جيدا ما هو المرض ولا اعرف ان كنت انت مصاب بالصدفية أصلا .. ولي سنوات هنا في الملتقى أكتب عن المرض والامراض المرافقة له .. لكن بأمانة وبدون غايات شخصية .. لذلك ليس لي مصلحة لا بتقليل ولا بتكثير .. بالمقابل .. تأتي أنت لتقنعنا ان وجود صدفية في وجه بنت او في يد موظف بنك يستحق ان يدفع لاجله الاف الدولارات بشكل مستمر ويتحمل الاثار الجانبية وانخفاض المناعة .. وهذا ما يجب أن نقف بوجهه دومأ عندما ننظر للقضية من منظور انساني غير مادي وربحي .. بما يوافق المعايير الصحيحة لوصف أي دواء بحسب ميزان الفوائد والاضرار

رد: تقرير عن امكانية علاج الصدفية بشكل دائم
 

طيب عشان نختصر الكلام دلوقتى موضوع الخلاف هو افضليه كوسينتكس عن هيوميرا او العكس.
بخصوص التالز انا ذكرت اسمه ف اى موضوع بيتكلم عن العلاج البيولوجي ووضحت انه مثل الكوسينتكس ولكن حضرتك هو لم يتوفر ف بلادنا العربيه عشان كده متكلمتش عنه

بخصوص هيوميرا هأكد مرة تانيه المرض مزمن والمريض لازم يستمر عالعلاج فترات طويله وفيه كذا مقياس مهم لتقييم اى علاج : انا هقارن بين كوسينتكس وهيوميرا حسب دراسات وكل حاجه بلينك

اولا
ACR 20% عند 24 اسبوع وعند 48 اسبوع
هتلاقي حضرتك ان هيوميرا عند اسبوع 24 كان نسبه المرضي 57% ووعند 48 اسبوع يعني سنه كان 58 %
كوسينتكس كان ف future 2 عند اسبوع 24 نسبه المرضي 54% وعند 48 اسبوع كان 72 %

هيوميرا
https://www.ncbi.nlm.nih.gov/pmc/art...8-05-0702-f01/

كوسينتكس ف دراستين FUTURE 1 & FUTURE 2
https://www.ncbi.nlm.nih.gov/pmc/art...1/figure/Fig3/

ACR 50%
ف هيوميرا كانت بعد 48 اسبوع حوالي 42% وفي كوسينتكس كانت 50%
لينك هيوميرا
https://www.ncbi.nlm.nih.gov/pmc/art...8-05-0702-f01/

كوسينتكس
https://www.ncbi.nlm.nih.gov/pmc/art...1/figure/Fig4/

ثانيا mtss & HAQDi & DAS28
استاذنك دي لينكات لكل حاجه راجعها وشوف الفرق
كوسينتكس
https://www.ncbi.nlm.nih.gov/pmc/articles/PMC4999581/

هيوميرا
https://www.ncbi.nlm.nih.gov/pmc/articles/PMC2663711/

أخيرا ده لينك بيوضح نسبه الناس اللي كانو Anti TNF ولم يستجيبو ونسبه اللي استجابو منهم للكوسينتكس
https://www.ncbi.nlm.nih.gov/pmc/art.../figure/Fig12/

ده تقريروحدو فيه ظروف دراسات كوسينتكس وهيوميرا من حيث شدة المرض وظروف المرضي ويقارن بينهم من حيث الفاعليه
https://psoriasisnewstoday.com/2017/...s-than-humira/

طبعا الصدفيه ف دراسات تانيه ممكن نقارن لو حضرتك حابب

رد: تقرير عن امكانية علاج الصدفية بشكل دائم
 

طيب مشكور دكتور على هذه المخططات .. الارقام دوما هي الادق من كل وصف لغوي .. وهذا هو المطلوب بالذات .. بقراءة المخططات التي زودنا بها الدكتور عمرو مشكوراً نخلص إلى ما يلي :

نتائج كوزنتيكس لعلاج صدفية المفاصل (نسبة المرضى المحققين لتحسن 20 بالمئة على الاقل ) مقارنة بالدواء الاقدم هوميرا

نسبة المرضى المحققين لتحسن 20 بالمئة بعد 24 اسبوع

الدراسة الأولى:
هوميرا : 57%
كوزنتيكس : 50%

الدراسة الثانية :
هوميرا : 57%
كوزنتيكس : 54%

بعد انتهاء الهدف الاساسي من التجربة في الاسبوع 24 وانسحاب عدد من المرضى لاسباب مختلفة أهمها قلة الفعالية والاثار

الجانبية ثم الانسحاب الطوعي .. تمت مراقبة المرضى المستمرين تحت المراقبة حتى الاسبوع 52 فكانت النتائج كالتالي:

نسبة المرضى المحققين لتحسن 20 بالمئة بعد سنة لمن تبقى من المشاركين تحت المراقبة

الدراسة الأولى:
هوميرا : 58.7%
كوزنتيكس : 69.5%

الدراسة الثانية :
هوميرا : 58.7%%
كوزنتيكس : 72.7%

__________________________

نسبة المرضى المحققين لتحسن 50 بالمئة بعد 24 اسبوع

الدراسة الأولى:
هوميرا : 39%
كوزنتيكس : 34.7%

الدراسة الثانية :
هوميرا : 39%
كوزنتيكس : 35%

بعد انتهاء الهدف الاساسي من التجربة في الاسبوع 24 وانسحاب عدد من المرضى لاسباب مختلفة أهمها قلة الفعالية والاثار

الجانبية ثم الانسحاب الطوعي .. تمت مراقبة المرضى المستمرين تحت المراقبة حتى الاسبوع 52 فكانت النتائج كالتالي:

نسبة المرضى المحققين لتحسن 50 بالمئة بعد سنة لمن تبقى من المشاركين تحت المراقبة

الدراسة الأولى:
هوميرا : 42.7%
كوزنتيكس : 50.0%

الدراسة الثانية :
هوميرا : 42.7%
كوزنتيكس : 50.0%

__________________________

بالنسبة لنسبة المرضى المحققين تحسين حالة الجلد بنسبة 75% :

بمرور 48 أسبوع
الدراسة الأولى : 64.8%
الدراسة الثانية : 63.4%


بمرور سنة:
الدراسة الأولى : 83.8%
الدراسة الثانية : 81.3%

__________


بالنسبة لنسبة المرضى المحققين تحسين حالة الجلد بنسبة 90% :

بمرور 48 أسبوع
الدراسة الأولى : 49.1%
الدراسة الثانية : 48.8%

بمرور سنة:
الدراسة الأولى : 64.6%
الدراسة الثانية : 62.2%