رد: مدري ايش صار لي ياليت تدخلون تواسوني وتدلوني ويش اسوي
انتبهوا من الفازلين صح انه يرطب لكن يكبر ويوسع حبة الصدفية فيه سيوليشن من شركة نيفيا بزيت الجوز خاص للبشرة شديدة الجفاف لونه كحلي وعليه كتابة وردية تلاقونه بالسوبرماركت انا استخدمه جدا ممتاز وسعره رخيص حوالي 11 ريال انصحك فيه يالزوجه الاولى افضل من الفازلين |
رد: مدري ايش صار لي ياليت تدخلون تواسوني وتدلوني ويش اسوي
مشكورين اخواني الاعزاء والله اني اكتب والعبره خانقتني مدري وش اسوي احس مخي متوقف الحين معد همني شكل الصدفيه كثر ما همني وشلون اتحرك زين صايره حركتي بطيئه مع الم الله المستعان كن عمري 100 سنه وانا لسا في 37 وشوي
|
رد: مدري ايش صار لي ياليت تدخلون تواسوني وتدلوني ويش اسوي
ما تشوفين شر
عندما يشتد التهاب الجلد وينشد ويحمر تتألمين من الجلد والعضام علي حد سوا اول شي يجب تهدئة الجلد وتخف الالام تباعا |
رد: مدري ايش صار لي ياليت تدخلون تواسوني وتدلوني ويش اسوي
اقتباس:
هههههه لالا كيف تقولين عمرج وهو سر المراءه وبعد انتي الزوجه الاولى لاتهتمي ان شاء الله شده وتزول ياحبيبتي اخذي الان مسكنات واتحركي على القطران هو العلاج الشافي وصدقيني تردين للعشرين بلاصدفيه تخرب النفسيه وبلا الالام مفاصل وفي قمة السعاده حينها اتذكريني |
رد: مدري ايش صار لي ياليت تدخلون تواسوني وتدلوني ويش اسوي
صحيح هي الصدفية عشانك تركتيها تتهيج سببت لك مضاعفات بالمفاصل اسمعي كلام خالتنا ريم ومعافاة وحتطيبين وراح تذكرين أيام تعبك بالخير بعد الشفاء لأنك بتحسين بالسعادة وتكون مجرد ذكرى لأيام طهرت ذنوبك وكل البشرية تحتاج تخفيف الله يفرج همك |
رد: مدري ايش صار لي ياليت تدخلون تواسوني وتدلوني ويش اسوي
الف سلامة عليك اجر وعافية بامر الله ان شاء الله شده وتزول من الافضل مراجعة عيادة جلدية تصيحتى لك احتسبى اجرها عند الله |
رد: مدري ايش صار لي ياليت تدخلون تواسوني وتدلوني ويش اسوي
مشكورين على المرور اخواني والله يكتب الي فيه الخير ويجعلني من الصابرين والله يدلني على الي فيه خير ا لي يارب صدق المراه ضعيفه لوني رجال كان دبرت عمري بس المرآه ما عندها الا دمعتها وان حن عليها زوجها
|
رد: مدري ايش صار لي ياليت تدخلون تواسوني وتدلوني ويش اسوي
اقتباس:
حبيت اعدل المعلومة هو لوشن مو سيوليشن وسعره 16 ريال اللي بيواضب عليه صدقوني راح يستفيد بشكل مايتصور وانتي حدك جالسه يالزوجه الاولى استخدمية بالبداية مرتين يوميا وراح ترتاحين |
رد: مدري ايش صار لي ياليت تدخلون تواسوني وتدلوني ويش اسوي
اقتباس:
|
رد: مدري ايش صار لي ياليت تدخلون تواسوني وتدلوني ويش اسوي
الله ياجرك يختي وان شاء الله شده وتزول واذا على الحركه اشتري عصار حق الاعصاب ودهني فيه المفاصل وبتعدي عن البراد وحاولي تجلسين في غرفه مافيها مكيف ولو عرقتي راح ترتاحين من الم المفاصل وبنسبه لعلاج القطران متواجد في مستشفى الجامعي وهذا ما بلغنا فيه اخونا هجهوج او في صيدليه ادمه الي بطريق خريص اخذي منه كم قاروره وخذي بعد المرهم وان شاء الله تخف عليك الصدفيه ويخف عليك الم المفاصل وقدامك العافيه ان شاء الله |
| الساعة الآن : 05:19 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour