رد: جوالك في ورطة....
أختى راغبة إحنا بإنتظارك لا تطولى بالمطبخ |
رد: جوالك في ورطة....
بإنتظارك اختي الحبيبة راغبة في رضى الله ...... |
رد: جوالك في ورطة....
أشكركما جزيل الشكر أختاي الغاليتين وسأبدأ الآن بالإجابة 1/ ماهو نوع جوالك ؟ نوكيا n81 ولونه أزرق أنا كتير بحب اللون الأزرق لأنه لون السما لمّا بكون مهمومة بطلع بالسما برتاح كتير وبيروح الهم أكيد ..جربوها سبحانك ربي 2/ ما اخر صورة تم التقاطها ؟ صورة لماسة ولين وهن متخبين وعم ياكلوا سكر بس بحب خبركن انه موبس تمهن أكل سكر ..لا من شعر الراس للرجلين كل شي اكل سكر 3/ كم رقم مخزنـ عندك ؟ 171 4/ ما اخر رسالهـ تم تلقيها ؟ the doctor is not always "shaffi" and the weather is not always "daffi" but to see you "caffi" because like you " maffi" وهادي الرسالة اجتني من شخص كنت حابة حط صورته وصورة ماسة ولين بس مركز التحميل مافتح بلكي اذا مشي الحال بكرة بحطلكن الصور وهالشخص هو حبيبة قلبي سلسبيل بنت أخي وعمرها 10 سنين وهي بنت متل الملاك 5/ ماهي الرسـالهـ رقم 5 ولاحظ ((5)) بالتحديد ؟ أف منكم ضروري يعني تعرفوا كل الاسرار, طيب الرسالة هي: أختي التي لم تلدها أمي صديقتي رفيقة حزني وفرحي قدوتي سندي لن يكفي أي اعتذار ولن يكفي أي تبرير وهادي الرسالة من أعز صديقة عندي عم تعتذر لأنها غابت كم يوم بدون ماتخبرني 6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لـنا ؟ الحقيقة في اسمين غريبين الأول: صاحبتك سجدة وبس لو أعرف مين هي صاحبتي سجدة اللي سجلت اسمها بجوالي كنت ارتحت المشكلة الرقم دولي من شان هيك ما دقيت عليه الثاني :برنسس وهادا الاسم بحبه كتير لسببين اولا لانه صاحبته الممرضة الفلبينية اللي كانت تتساعدني بالعيادة بالسعوديةوانا بحبها كتير والسبب التاني مارح قوله هو لغز صغير بظن الأخوات اللي بيعرفوني رح يعرفه حل اللغز 7/ ماهي أعلى فاتوره قد تجاوزتها ,,او كمـ هو حدك الائتماني ؟ ما يعادل100 دولار بس هادا كان زمان هلأ مابتعدى ال20 دولار 8/ ماهو اسمك بالبلوتوثـ ؟ الإسلام وزوجي الله يرحمه هو اللي سماه هيك 9/ ماهو الثيم الحالي لجوالكـ ؟ الشاشة لونها أزرق واسم الله مكتوب بالأصفر 10/ ماأكثر ماتستخدمهـ بالجوال مثلا: المنبه , الحاسبه , البلوتوث , ؟ أكتر شي بسمع قرآن ,لأنه باخد الجوال معي عالمطبخ وبشغله عالقرآن 11/ كم عدد الرسائل بالصندوق الوارد ,, وكم عددها بالصادر ؟ صراحة تعبت بالعد مابيكفي عديت الاسماء بس فيني قول انه الوارد فوق المية والصادر عشرين لأنه انا مع اني بحكي كتير بس كسولة كتير بكتابة الرسائل عالجوال 12/ رسالة لن تقوم بمسحها أبداً ولماذا ؟ أووووووووووه هادا السؤال كنت رح طنشه بس انا قلتلكن من البداية انه الورطة ممكن تكون الكن فتحملوا بقى كل عام وانت بألف خير حبيبتي وعقبال 150 سنة مع بعض المرسل زوجي الله يرحمه بس بحب قول انه انا مابمسح الرسائل الواردة احتراما وتقديرا لأصحابا فما بمسحها طول ما الجوال بيستوعب ماعدا رسائل الشركات طبعا 13/ ماهو الأسم رقم ((13)) المخزن عندك ؟ صديقة 14/ ما آخر رسالهـ قمت بأرسآلها ؟ رسالة لحبيبة قلبي الفراشة المتألقة من شان اسألها على امها وبهيك بتكون خلصت الورطة وكل ورطة وانتو بورطة قصدي بخير السلام عليكم |
رد: جوالك في ورطة....
شكرا كتير الك أختنا الكريمة الاخت رابغة في رضا الله على خروجك من الورطة بسلام وامان حياكي الله ونتشرف بوجودك بيننا |
رد: جوالك في ورطة....
ومين بالورطة الجديدة ؟؟ |
رد: جوالك في ورطة....
انا رأيي الأخت راغبة تنقي مين يكون في الورطة الجديدة
|
رد: جوالك في ورطة....
أول شي شكراً كتيييييير الك أختي راغبة في رضى الله على مشاركتك الطيبة لنا وإستجابة دعوتي ... تاني شي مثل ما قال الأخ أبو الوليد الآن انتي دورك تورطي واحد بالورطةولازم وما تخليه يهرب منها بسهولة .... |
رد: جوالك في ورطة....
حبيبتي نبراس هادا واجبي لبي دعوتك
بس أوعى تورطيني مرة تانية وأخي أبو الوليد هيك عملتني رابغة ولوووووووو أنا بدعي للورطة المشرفة صاحبة الاسم الجميل أمة الله فلتتفضل على كرسي الاعتراف هي وجوالها |
رد: جوالك في ورطة....
ننتظر الأخت أمة الله الان في ورطتها من الحلة الجديدة ورطة (جوال) |
رد: جوالك في ورطة....
السلام عليكم ورحمة الله وبركاته قلنا الحمد لله خلصنا من كرسي الاعتراف منذ فترة وخرجنا براءة ، جاء أخونا أبو الوليد بورطة جديدة ولجوالنا :ppu تسلم أخي على الموضوع وشكرا لأختي الغالية راغبة في رضا الله على الورطة قصدي الدعوة ولو مقبولة وما في رفض إن شاء الله يلا خليني أجلب جوالي لحتى أبتدي معه التحقيق 1/ ماهو نوع جوالك ؟ LG B800 2/ ما اخر صورة تم التقاطها ؟ السماء وبها سحب كثيفة والشمس تميل للغروب هوايتي ألتقط صور للسماء مثل ما قالت اختنا راغبة سبحان الله إن شاء لو عندي وقت سأضع الصور هنا 3/ كم رقم مخزنـ عندك ؟ 91 4/ ما اخر رسالهـ تم تلقيها ؟ رسالة غريبة من خدمات شركة الاتصال عصر اليوم جاءتني رسالة إنه تم تعبئة بطاقتي وزاد رصيدي :confused: رغم أني لم أقم بشحن بطاقتي لأني أتوفر على رصيد كافي شحنته قبل فترة أكيد احد بالغلط في الأرقام أرسل التعبئة على رقمي والمشكلة إنه انتظرت أحد يتصل لحتى يعطيني الرقم وأرد له التعبئة لكن لم يحصل ، فقلت الحمد لله رزق من الله وهو-هي الله يعوض عليهم :king: 5/ ماهي الرسـالهـ رقم 5 ولاحظ ((5)) بالتحديد ؟ رسالة من بنت عمي 6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لـنا ؟ لا فيه فقط أسماء دلع لأخواتي 7/ ماهي أعلى فاتوره قد تجاوزتها ,,او كمـ هو حدك الائتماني ؟ أنا أعتمد شحن البطاقة ، لا أبذر كثيرا خصوصا وأن أغلب الاتصالات للأهل والأقارب تكون عبر هاتف المنزل الثابت 8/ ماهو اسمك بالبلوتوثـ ؟ هذه الخدمة ليست متوفرة لدي 9/ ماهو الثيم الحالي لجوالكـ ؟ صورة لحبيب قلب خالتو أسامة 10/ ماأكثر ماتستخدمهـ بالجوال مثلا: المنبه , الحاسبه , البلوتوث , ؟ المنبه ، الراديو، MP311/ كم عدد الرسائل بالصندوق الوارد ,, وكم عددها بالصادر ؟ الوارد : 24 الصادر : حاليا ولا شي لأنه عملت حملة تنظيفات قريبا :ppu 12/ رسالة لن تقوم بمسحها أبداً ولماذا ؟ رسائل من جدتي الحنونة هكذا أحب تسميتها :ppu وهي اخت لي في الله في ملتقى الشفاء اشتقت لها كثيرا لأني كلما قرأتها تذكرت قلبها الطيب وروحها الحلوة والمرحة 13/ ماهو الأسم رقم ((13)) المخزن عندك ؟ صديقتي منذ الثانوية ولا تزال 14/ ما آخر رسالهـ قمت بأرسآلها ؟ رسالة لبنت عمي جوابا على رسالة بعثتها لي :) يلا جوالي الحمد لله طلع من الورطة طيب بما إنه عصفورتنا رجعت بعد غياب ربي يوفقها يارب خليني أستقبلها وأورط جوالها :ppu يلا في انتظار حبيبتي في الله وسام :_11: |
| الساعة الآن : 09:12 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour