رد: اخصائية الاعشاب مزين عواودة تكتشف وصفة لعلاج الصدفية
اقتباس:
شكراً لك اختي زينة على ردك القيم وسوف ابدل جهدي في تركيب هذه الخلطة، لكن لدي سؤال الا تعتقدين انه لابد من علاج داخلي لمثل حالتنا، العلاج الخارجي (الدهان) يعتبر كمصلح ومرمم للجلد فقط حيث انني اذا توقفت عن استعمال الخلطة ليوم فاليوم الموالي حتما سألاحظ بداية التقشر. فلذلك لابد من وجود علاج داخلي. |
رد: اخصائية الاعشاب مزين عواودة تكتشف وصفة لعلاج الصدفية
عزيزتي الاخصائية زينة:
شكرا لكي لردودك الوافية والمفيدة....وحابة اسالك بالنسبة لطفلي المصاب بالصدفية عمرو 5 سنين وعمبعطيه زيت حبة البركة...نقطة واحدة فقط مع ملعقة عسل صغيرة الصبح ونقطة بالليل مع ملعقة صغيرة عسل....لانو قرات من اخصائي اعشاب انو ما بصير باي حالة تزيد الجرعة عن تلات نقاط في اليوم للاطفال....شو رايك اختي؟؟اكمل هاي الطريقة ولا بلاش ممكن ياثر الزيت عليه؟؟انا بستعملها كوقاية عامة ورفع مناعته لانو بلش الشتاء... وبنتي عمرها سنتين ونص عمبعطيها نقطة مع ملعقة عسل مرة واحدة الصبح...بس مو دايما.ووالله يا اختي عمبعطيهم وايدي على قلبي خايفة يكونوا لسة صغار عليه...بتمنى تنصحيني... وصحيح اختي حكتلك عن مشاكل ابني في تنفسه ..والدكتور نصحني اشيللو اللوز مع اللحمية لانو حجمهم كتير كبير مع انهم ما بنزلوا والله بالمناسبات ما شاء الله لا قوة الا بالله بس عاملينلوا ضغط على طبلة الاذن...والدكتور خايف ياثر الضغط على سمعه...شو ممكن اعمل اختي والله انا محتارة كتير...ممكن اقطرلو زيت زيتون بكر في اذنه مثلا؟؟؟او في انفه؟؟هو اعطاني دواء( زيرتك) لمدة شهرين وقطرة للانف بعدين بشوف...وانا يختي عمبعطيه بابونج كمان زي ما نصحتيني....وعمبطلوا نتفة عسل داخل انفو بس عباب الانف فقط...بركي بتحسن نفسو وبصير يتنفس من انفو وبخف الضغط على الاذن....بانتظار نصيحتك يا اختي وانا واثقة فيكي ما شاء الله عليكي.... |
رد: اخصائية الاعشاب مزين عواودة تكتشف وصفة لعلاج الصدفية
الاخت الدكتورة زينا الفاضلة :_11:
الله يوفقك لمساعدتنا على الشفاء ان شاء الله وجهودك ونصائحك يجزيك الله بها عنا خير الجزاء ودمت لاخواتك واخوانك يارب يحفظك ويخليلنا اياك. اختي انا حابة اسالك عن موضوع بنتي والله من شهر 6 من دكتور لدكتور ولحد الان ما عندنا تشخيص نهائي - والكل بيعطي كريمات فيها كورتيزون وبتتحسن عليها بنتي كلها وانا شاكة انه التحسن من الكورتيزون - يعني لهلا الله وكيلك ما في تشخيص - انا بقدر اوصفلك الموضوع: باختصار انه طلع حبوب وفيها حكة اسفل الظهر في منطقة صغيرة ومحصورة - فانا دهنتلها كريم عندي اسمه بيباناثين - بس طولت الحكة والاحمرار فوديناها عالدكتور شخصها فطريات اعطاها مضاد فطريات وكورتيزون طابت ورجعت نفس الحبوب من نفس المكان طلعت زي اول مرة وبعدين صارت تزيد ونقلت عالفخد التاني ورجعنا للدكتور -اكد الفطريات وكررنا الكورتيزون ومضاد الفطريات مع ابرة وطابت وردت رجعت الحبوب وراجعنا وبعدين شخصوها حساسية واعطونا كريم تحسس فيه كورتيزون -وطابت ورجعت الحبوب من نفس المكان ورجعنا وهالمرة كان في اكتر من تشخيص اكزيما - او فطريات - او اشباه صدفية ورجعنا اخذنا كريمين مضاد فطريات وكورتيزون -طابت واستمرينا على المرطب لوحده ورجعت الحبوب وهلا بناخذ دكتاكورت وكبسولات للفطريات - والله يا اخت زينة كل مرة بتطيب نهائيا يعني اثر خفيف كتير بيضل ومع هيك بترجع ومن نفس المكان وبتتوسع وبتتنتقل لمناطق جديدة بس الف الحمد لله لسا محصورة في منطقة اسفل الظهر - وبتطلع حبوب صغيرة متفرقة حول الالتهاب بحط عليها ماء وملح بتطيب - بس الالتهاب لو بحط ماء وملح ما بيطيب الاخت الحبيبة زينة اسفة للاطالة عليك بس والله قلبي بيغلي ونفسي اعرف شو مع بنتي وانت ام يعني اكيد عارفة حرقة قلب الام وبصراحة نظامها الغذائي سيء وكتير متغلبة في تصحيحه - ومش عارفة هو السبب والا لا - هي شوي مليانة واكلها فيه كتير شيبس وشوكولاتات وكمان دايما قاعدة على التلفزيون وحركتها قليلة عم بحاول احسن هالنظام شوي شوي-ان شاء الله بيقدرني - بتمنى لو تقدري تفيديني وتطمني قلبي باي راي او نصيحة والله يجزيك الخير ويوفقك يا رب :_11: |
رد: اخصائية الاعشاب مزين عواودة تكتشف وصفة لعلاج الصدفية
اخت زينة العلاج وصل اليوم تسلم ايدك يا رب وان شاء الله يكون فية الشفاء لانو االصدفية انتشرت هلا بكل جسمي وكل يوم عم بطلعلي حبوب جديدة
هلا حابة اعرف منك تعليمات الاستخدام للعلاج الي قراتو على الدهون انو يدهن مرتين باليوم وايضا بالنسبة للشراب ايضا مكتوب علية مرتين باليوم والعشبة مكتوب عليها تعليمات الاستخدام لكن غير مكتوب عليها كم مرة باليوم وبالنسبة للصابون انتي نسيتي تبعتي هل عدم استخدامه لا يؤثر وللتوضيح عن الصدفية عندي فهي منتشرة بجميع مناطق جسمي الايدي والارجل والظهر والصدر وفروة الراس والمناطق الحساسة وفي الجبهة وداخل الاذن وخلفها والرقبة يعني ما خلت مكان بجسمي وبالنسبة للاخ شادي فقط له علبة الدوهون ام ماذا؟ يا ريت توضيحيلي الاستعمال للمناطق كلها بنفس الطريقة ولا لا وكم المدة الي لازم اترك الدهون فيها على جسمي ولا ما في وقت محدد وجزاك الله خيرا |
رد: اخصائية الاعشاب مزين عواودة تكتشف وصفة لعلاج الصدفية
الله يمن عليك بالشفاء العاجل اختي سارة ولا تنسينا بجميع التفاصيل على قدر ما تستطيعين وشكر موصول لدكتورتنا الفاضله زينة والله يجعل عملك هذا في ميزان حسناتك |
رد: اخصائية الاعشاب مزين عواودة تكتشف وصفة لعلاج الصدفية
السلام عليكم
عازمه على الشفاء يختي الله يصلحك اسمعي قريت رسالتك وبسرعه كتبت الرساله الك يارب تشوفيها اسمعي ابنك 5 سنوات منيح اللو العسل بس انا ما تعلمت انو زيت حبة البركه مضر بل على العكس مفيد جدا باستطا عتك اعطائه ملعقتين صغيرتين يوميا بس يا اختي كيف بتحطي لابنك عسل داخل انفو ما فهمتك لشو اصلا الدكتور قال لازم نشيلو اللوز معناها بدك تعملي مثل ما قلك الدكتور ما بضرو بالمره الدكتور ادرى بوضع ابنك كمان شغله جهاز التنفس حساس ممنوع نضعلو هيك حيلى شغلات والعسل جامد ممكن يدخل القصبه الهوائيه انتبهي لابنك احسن اشي لابنك بابونج وخلطيه اذا استطعتي احضار هاي النباتات مع هاي النباتات اللي همي: زوفه- زعتر فارسي - زيزفون خلطيهم مع البابونج هاد شاي نباتات تستطيعي انك تعطي ابنك فنجانين في اليوم وراح تلاقي نتيجه ممتازخ بعد شهر من الاستعمال والمواظبه هاد شاي للصغار والكبار وجدا ممتاز للكحه اذا اضفنا الو مغلي اوراق السدر ايضا باستطاغتك انك تعطي ابنك عصير 1 الليمون +ملغقة عسل + ماء قسمي الكميه ل3 مرات في اليوم هاد كمان راح بساعدو كثير جربي ما تخافي بس اعملي شو بقلك انتبهي العسل تقيل وممكن يضر تحت ال5 سنوات ما تعطي بنتك اعطيها شاي النباتات فنجان اقسميه 3 اثلاث وشربيها 3 مرات في اليوم ما تخافي شئ تاني جدا مفيد الك لابنك ولكل اعضاء المنتدى ولكل واحد بعاني من الجيوب الانفيه كوب من حبة البركه + 1لتر ماء غلي الخليط على النار لمدة ساعه كامله ومن ثم تركه حتى يبرد ثم تصفية الخليط واخذ الماء الناتج والقطر داخل الانف للصغار 3 نقاط في كل فتحة انف مرتين في اليوم للكبار 7 نقاط داخل كل فتحة انف مرتين في اليوم وان شاء الله اني بكون افدتك |
رد: اخصائية الاعشاب مزين عواودة تكتشف وصفة لعلاج الصدفية
السلام عليكم
صابر وحامد خيا للاسف لحد الان ما في اشي ممكن اقلك هاد هو اللي راح يساعدك 100 بل 100 بس هناك اشياء ممكن تخفف داخل الجسم مثل مغلي حبة البركه مثل ما كتبة للاخت عازمه على الشفاء بس انت لازم تشرب 2 كوب باليوم مش اكثر شرب مش تقطير بالانف الا اذا عندك الام بالراس تستطيع التقطير في الانف + شرب 2 كوب في اليوم كمان منقوع البابونج مفيد الك ومغلي ورق السدر والمشكله انو هناك نباتات ما بتغرفوها وممكن انو صعب احضارها عندكوا انا شخصيا بحرها من شركات خاصه للنباتات تسورد النباتات من اوروبا وامريكا واستراليا وهيك حسب ما تعلمت واذا بدك رايي الشخصي وما بتعلق باي طبيب تاني او بحث او اي شئ يعني حسب اعتقادي انا ومن نتائجي بدك توخذ نباتات تعمل على الجهاز التنفس والكبد وجهاز الهضمي والكبد طبعا تابع الو لدنا كمان ننتبه للجهاز المناعه وهو مهم جدا بوضعك كنت كمان بخصص نباتات تعمل على الجلد حتى شرب مش دهن خارج الجسم لانو دهن خارج الجسم صرنا نعرف من هاي النباتات : بابونج اللي هو بجدد نمو الخلايا للحساسيه يعمل على الجهاز التنفس وجهاز الهضمي معا خاصة الامعاء الخليظه وهي مهم النا بالعلاج نقيها من الشوائب 3- ورق السدر ممتاز للكبد 4- ارضي شوك ( الاوراق) يعمل على الكبد 5 - ب1ور الخرفيش للكبد 6- نبتة الكنلندولا وحبة البركه تعملان على الكبد - الدهنيات - جهاز المناعه بالاخص ا7- المليسا ممتازه للمعده 8- الميرميه فنجان كل اسبوع اي مره بالاسبوع ممتازه للهرمونات 9- نبتة الشاي اوشاي الوعر ممتازه للجهاز التنفس والهضمي والهرمونات 2- الزيزفون اللي هو مهدء وحارق للدهن وممتاز للاوعيه الدمويه لانه ي وبوعدك اني راح ابحث اكثر واساعدك بس انت ل ذكري لاني بنسى من كثر الواجبات علي |
رد: اخصائية الاعشاب مزين عواودة تكتشف وصفة لعلاج الصدفية
شكرا اختي زينة الك على الرد الوافي....انا اختي ما بحط العسل الا على طرف انفو من برة لبرة ....بس خلص راح اوقفو فورا ان شاء الله....ورح اعمل طريقة حبة البركة والماء بس هو لا يعاني من الجيوب الانفية فقط لحمية ....بس بتكون اكيد مفيدة لكل الجهاز التنفسي....وبصراحة شكلها ممتازة...
بالنسبة لشاي الاعشاب اختي انا رح اضل على البابونج لاني بصراحة ما بعرف باقي المكونات وبخاف يغشني العطار .... طريقة العسل والليمون بعطيها لابني ولبنتي لما يرشحوا بس بدون ماء....عادي صح؟؟ شكرا كتير اختي زينة وما بتقصري.... واتمنى من الله يفرجها عليكم يا رب....والله انا يا اختي وعدني ابي انو ياخدني معو على فلسطين...بس احنا بتعرفي بندخل سياحة فقط لانو ما معنا لم شمل....والله يسهل ...يعني شو بدك تقولي الواحد بلدو ومو قادر يدخلها الا سايح حسبي الله ونعم الوكيل..... الله يوفقك في عملك يا رب وانا متفائلة بك جدا ما شاء الله عليكي.... |
رد: اخصائية الاعشاب مزين عواودة تكتشف وصفة لعلاج الصدفية
السلام عليكم
الاخت نسرين 1811 ما قلتيلي اختي عمر بنتك يس استنتجت انها بدها تكون فوق ال9 سنوات وتحت ال15 سنه حسب حدسي والاكيد والله اعلم بنت عندها فطريات الكنديدا منتشره داخل جسمها وهي ابتنتشر داخل الجهاز الليمفاوي مش بالدم عشان هيك ما بتظهر في فحوصات الدم من الصعب جدا تشخيصها فقط بفحوصات خاصه يتم تشخيصها طبعا الانتشار اجى من التغذيه الغير سليمه وقلة الحركه شو بدي اقلك اللي بتعاني منو انا بعاني منو كمان مع ابنائي بس ضليت وراءهم حتى فهمتهم انهم بعملوا خطا 2 سمعوني وابني لكبير بما انو اسا 16 سنه صعب جدا اقناعو بس الحمد لله بلش يرد علي الو اسبوع الله يهديه يا رب انا حاسه فيكي صغب جدا ابعاد الاولاد عن الاكل الجاهز والمسليات والشكولاظه انا صرت اعمل كل هاد بالبيت ما بشتري اشي وبعملهم بطحين القمح والعسل هامبرغر بعمل في البيت كمان حليب وشكلاطه بصنعو من الكاكاو والسكر البني بحاول قدر المستطاع اساعدهم بس همي لازم يساعدوني كمان صح؟ يعني لازم تقعدي مع بنتك تشرحيلها مش مهم قديش عمرها لو كان 3 سنوات باستطاعتها ان تفهمك اولاد العصر هاد يفهمو منيح وبستوعبو بس احنا نعلى لمستواهم ما ننزل لازم نعلى الهم ونكون بموستواهم لانو مستوى التفكي عنهدهم جدا عال اجلسي معها واشرحيلها هيك: هاد فطريات كنديدا بتيجي علينا من الاكل الغير صحي وسميلها الانواع طبعا اللي هي بتحبها ما توخذي موقف من رد فعلها بالعكس اتفهميها وواصل الكلام معها كمان شغله خليها تساعدك بالبيت وشغليها شويه لانو الفراغ بجوع وخليها تساعدك لتحضير الحلويات بالبيت هيك بتحسني علاقتك معها اكثر وبتصير اترد عليكي بكلشي وما بتخبي عنك اشي بحكيلك عن تجربي النباتات اللي بتقتل الكنديدا همي : ميرميه - والقرفه - والفرنفل قاتل ما بسمي عليها _ والخلنجان باستطاعتك غلي الخلنجان مع القرفه وتسربي انت وبنتك مع بعض هدول النبتين ممتازات للنساء من ناحية اهرمونات وقتل الكنديدا واثناء الحيض بس لازم توقفيهم في فترة الحيض لانهم مدرات للحيض بعملوا نزيف يعني وقت الحيض وهني قاتلات من الرقم الاول للكنديدا الميرميه يجب الحرص منها اعطيها فقط فنجانين في الاسبوع سلمتكم |
رد: اخصائية الاعشاب مزين عواودة تكتشف وصفة لعلاج الصدفية
عازمه على الشفاء
حسبنا الله ونعم الوكيل اسمعي ممنوع شرب الليمون من غير تخفيف بالماء لانو بعلي الحموضه في المعده وممكن يضر والحموضه بالمعده عاليه بطبيعتها ومش بس اثناء الرشح كمان للكحه ممتازه هاي الوصفه |
| الساعة الآن : 01:45 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour