ملتقى الشفاء الإسلامي - ماأبغى أخوفكم

السلام عليكم ورحمة الله
------------

أختي الحبيبة (أزيرا)
كيفك وكيف صحتك هلأ؟
شو إمتى عمليتك !! إن شاء الله مستعدة
وما في شي راعبك بنوب،

إسمعي حالتك بسطية إن شاء الله وانا عند دراستي
بحكيلك إنه بما إن ورمك حميد فحل إستئصاله
حل مناسب جدا وغير مخيف متل ما إنتي معيشة حالك
وكمان يلي بعرفه إنه بعد العملية ما بكون فيه شي
اضرار أو مخاوف بالعكس بترجعي بطبيعتك 100% بإذن الله

أحيانا الإنسان بيعيش حاله بوهم الرعب بالخوف لدرجة ممكن يسبب زيادة
المرض عنده لا قدر الله ...يعني ديري بالك لا تخلي الجو يلي
عايشة فيه خوف ورعب بالعكس إنتي إجعلي هيدا العملية
جسر لعبورك لقنطرة أخرى من حياتك تفيدك وتفيديها

أهم شي لازم تبيني لولادك - الله يبارك فيهم-
إنك خير قدوة لهم حتى بأعلى المصائب
وأكثرها
لازم تعرفي إنه أكيد الله بحبك لهيك اراد أن يختبرك
ليشوفك هتثبتي وتنجحي وتكملي حياتك بما يرضي الله أو لا؟
رضاك عن نفسك وثقتك بالله ثم تقتك بنفسك على المرور من الأزمة
هي نص حل المشكلة

أحكيلك قصة : كنت يوما بحكم دراستي في روند بالمستشفى
وكان هالسنة أول سنة لينا نعمل فيها جولات على المرضى فقط
للتدرب على جو التعامل والمستشفيات وليس العلاج
المهم مرينا على مريضة عمرها 20 سنة
هالمريضة شو قصتها ... شعرت يوم بآلام في الجزء الاسفل الأيمن
من بطنها ، هاي الآلام إستمرت معها طول اليوم
المريضة إعتقدت إنها مصابة بالزائدة الدودية وعيشت حالها
بهيك وضع لدرجة إنه بدأت تظهر عليها أعراض المرض
من قئ وألم شديد ...أخدوها أهلها للمشفى
وبعد ما فحصوها الدكاترة إكتشفوا إنه هي تعرضت
لمنطقة ساخنة ثم باردة فجأة فجاها برد شديد
وهاي الأعراض نتيجة لوهمها الزايد ...وقعدوها بالمشفى طول اليوم
لحتى تستقر حالتها النفسية المتدهورة....:)

المقصود: إنه بسبب حالتها المتوترة جابت المرض لنفسها
يعني لا تعيشي بخوف وتوتر بالعكس هالأيام يلي قبل العملية
بيحكولك الدكاترة : إعملي فيها أحلى لحظات حياتك
إطلعي مع ولادك روحوا بأي مولات إتغدوا عالبحر
وخلي كل لحظة أحلى من التاينة

صدقيني وقت تفوتي عالعمليات رح تكوني
بإذن الله 100%

واحنا بإنتظار وقت قبل إجراء عمليتك
تواصلي معنا

الله معك