زيت جوز الهند الرهيب

بنت العم · #1 17-10-2009, 12:15 AM

السلام عليكم ورحمة الله وبركاته
لعيونكم والله ...من فترة وانا اقول لازم اسوي موضوع يخص زيت جوز الهند
ومن يومين صار معاي موقف ....شغل عدل بتتعجبون منه والله
انا عندي طفلي عمره سنتان ومن ولادته وعنده اكزيما شديده جدا جدا في رجله وخلف الركبه ....ما بقى دكتور مارحنا له
المهم لمى شريت زيت جوز الهند حطيته فوق الاكزيما والله اسبوع واختفت والحين له خمس شهور مافيه شي
والحين من يومين ولدي الكبير طاح وهو يلعب بالسيكل وانجرحت ركبته جرح سطحي وتكون صديد على الركبه
فقلت في خاطري امممممممممم يالله على زيت جوز الهند وحطيت له ثاني يوم من الطيحه اول يوم كنت افكر

اليوم اشوف ركبته والله والله الصديد يبس وجف وطاح جزء منه
يعني زيت جوز الهند رهيب للصدفيه وللاكزيما وللصديد ايا كان نوعه
طبعا هالاكلام من وحي التجربه وبس
والحين بقولكم كيف تسووونه في البيت
شغالتي علمتني الطريقه هذه
جيبوا جوز الهند المبشور الي موجود في السوبر ماركت
وحطوه في قدر واملو القدر مويه
وشغلوا النار على نار معتدله وبس يغلي رخوا النار
الزيت بيتكون في القدر فوق حاولوا تشيلونه بالملعقه
وبس والي حوالينه عطار زين يشوف عنده زيت جوز الهند
والي يقدر يجيبه من دول شرق اسيا بعد احسن واحسن
والي مايقدر يسويه في البيت
واي سوال انا حاضره ...وما ابي منكم غير الدعاء

الذين يشاهدون محتوى الموضوع الآن : 1 ( الأعضاء 0 والزوار 1)