طبق للعشاء ..لذيذ...خفيف وسهل!!وبا لصور وحياكم :)

بسمـــة · #1 06-02-2009, 01:28 AM

السلام عليكم ورحمه الله وبركاته

طبعا كلنا يفكر كل يوووم شو راح يطبخ للعشا ؟ وانا وحده احب الاكل في المطاعم بكثرررره

فقلت ياابنت ليش ما ابدع وادور وابحث في طرق للعشا منوعه علشان اعطي جو وطعم اكل المطاعم

وايضا تكوون سهله وصحيه ومتنووعه علشان ما يمل من التكرار

ومع البحث المتواصل في المواقع الاجنبية

قمت كل يوم انوع بالاكل واجدد فيه

واليووم وانا ابحث عن طرق جديده قلت ليش ما انزل اللي ترجمته وجمعته عندي في الجهاز من مده طويله

وعلى فكره يابنات الصور من المواقع اللي ترجمتها وكل الطرق اللي بنزلها لكم مجربتها ومطبقتها

طووولت عليكم ادري بدخل في الموضوووع على طوول

الوصفه الاولى :

دجاج مشوي بالخردل

المقادير :
ديجون ماسترد ( مثل مب واضح في الصوره ) او اي خردل عندج
دجاجه مقسمه من المنتصف الى نصفين
ملح وفلفل حسب الرغبه
القليل من الخل الاحمر

الطريقة :

تتبل الدجاجه بالملح والفلفل الاسود والخل .. تغطى بالخردل من جميع الجهات ..
تدخل الفرن على درجه حراره 180 حوالي ساعه تقريبا

ولا اسهل والطعم رووعه !!

الوصفه الثانية :

Frittata in Foto

المقادير :

هذي الوصفه تعتمد على كميه الاشخاص المقادير اللي بكتبها تكفي لشخصين
ملعقتين زبده
حوالي ربع كوب من السبانخ المجمده
ثلاث بيضات مخفوقات
ربع كوب جبنه فيتا
ملح وفلفل حسب الرغبه

الطريقة :

في مقلاه نسخن الزبده

نحمر السبانخ شوي الى ان تذبل

نضيف البيض بعد خفقه مع الملح والفلفل

ولما تتماسك شوي نضيف جبنه الفيتا

تقدم مع الخبز المحمص او الخبز العربي .. وبالهنا والشفا