القاهرة في منتصف الليل.... رووووعة

[بسمة شهيد]

السلام عليكم ورحمة الله وبركاته

بعتقد إني هكتب الموضوع وأغلب أهل المنتدى في سابع نومة

كنت من يومين في إحدى المهمات العسكرية المكلفة من قبل والدتي

والوقت قد شارف على منتصف الليل

يصحبني فريق العمل (أخي الله يهديه )

وما ان انطلقنا بالسيارة وفي محاولة مني لتفادي التركيز في سرعته الجنونية ...لجأت للتامل من شباك السيارة الى القاهرة وجمالها النائم

بعتقد انه اللي يشوف القاهرة (قلب مصر ) يحس انه يمكن يوم الحشر هيبتدي من عندنا ...ايه التكتلات البشرية الموجودة دي لدرجة اني فكرت مرارا في طلب حق اللجوء الصحراوي

مش ده المهم

وإليكم بعض النماذج البشرية اللي لمعت في هدوء الليل ويمكن تعدي علينا في الصباح دون انتباه

1: اتنين كانوا يعدوا الشارع والابتسامة على حسب ما قيستها

(من الودن للودن ) يا بختهم ماشاء الله لسه حد بيبتسم اليومين دول

لكن مع مشيتهم المتعثرة شكيت بالامر ...يمكن سبحان الله يكونوا مخمورين (سامحني الله)

وبعد الفحص والتدبر (ما انا بقى في مهمة ) اسعدني ان سمعت كل واحد منهم بيعرض على التاني خدماته في مساعدته لعبور الشارع

بس تعرفوا ايه المفاجأة

انه الاتنين

فاقدين البصر

ومازلت الابتسامة ترفرف

/
/
/

2: بطلوعنا على كورنيش النيل (ربنا يستر وراجية الشهادة ما تقراش الجملة دي والا هتقيم عليه الحد )

يا سلام على عزف القمر على سطح النيل وبرودة الجو فما احلاه من شعور

بالمناسبة اللي عايز دعوة على قصر النيل هي مجانا وانا هرافقكم

بس خدوا تصريح من راجية الشهادة الاول لانه ليها جواسيس هناك
/
/
/

3: وبما اني اخدت القاهرة بمختلف انحاؤها فمرينا على اممممم( قصر .....الرياسة )

طبعا ما دخلناش.... اصل ما حدش عزمنا

بس هناك الناس متعودة تتريض وقت العصر

لكن ما شاء الله لقيت جموع من الشباب مبسوطين بالتنزه وقد شارفنا على آذان الفجر

اهو ده النشاط ولا بلاش

4: وختامه مسك.... مشهد من اجتماع المستقبل بالماضي

او بمعنى اخر صورة لبداية تكوين الانسان في مراحله الاولى واخري في نهاياته

رجل عجوز يستند على طفل يمكن ( بوصتين من الارض) بيحاولوا يعبروا الشارع

والاتنين في قمة همتهم ...سبحان الله في اقصى سرعة للعبور

تتماثل خطوة العجوز بالطفل....

ما حدش احسن من حد
"
"
"

لولا انه الوقت إتأخر كنت أتمنى أركز مع الناس أكتر وأكتب لكم أكتر

بس السيارة خلاص وصلت للمنزل زي ما انا دلوقتي حان (bed time )

اااااه

نسيت اقولكم

نتيجة السرعة الجنونية

إتسحبت رخصة اخي للمرة التانية على التوالي مع فارق نقطتين قصدي اسبوعين لصالح (المرور )

يستاهل

الاهم ...اني استمتعت

تصبحوا على كل الخير

[أبوسيف]

السلام عليكم و رحمة الله و بركاته ،

موضوع جميل أختي بسمة بارك الله فيكِ

بصراحة ، بمجرد أن أجد موضوع يتكلم عن أم الدنيا ، أدخل و أقرأه بدون تردد

يجوز لأنني قضيت أجمل أيام حياتي هناك .. و يجوز لأن سحر مصر لا يستطيع مقاومته أحد

أحد الأمور التي كنت أحب فعلها في مصر هي أن أجد لي مكاناً صغيراً في التحرير لأجلس فيه ، أتأمل وجوه الناس

في ظرف ساعتين فقط ، يستطيع الجالس هناك أن يرى مصر على حقيقتها

الباسم ، الحزين ، الضاحك ، الغاضب ، المحب ، الخ

كنت أعود و أنا أحمل في جعبتي أحلام و هموم شعب كامل !!

على كل حال ، الله يحمي أخيك الذي سُحبت رخصة قيادته و يحمي جميع شباب المسلمين

أشكرك أختي بسمة على الموضوع الرائع.

[نور]

السلام عليكم و رحمة الله و بركاته

بسمة منتدانا بسمة شهيد

أصبحنا و أصبح الملك لله

موضوع جعل البسمة ترافقني بصباح جميل إن شاءالله

التعليق المرافق للموضوع له مذاقه الخاص و كأني أسمعه من حضرتك

و أنا من محبي مصر أم الدنيا مع أني لم أحظَ بزيارتها حتى الآن
و لكني أراها بعيون غيري بروحي دوماً

و أيضاً عندي عزومة من راجيتنا الكريمة إن شاءالله ( مخصوص حنفظر فطير مشلتت ) إن شاءالله

أحب اللوحات الليلية للأماكن التي تكون عبارة عن إنسجام بتناسق كل ما نراه في هذه اللوحة
بتلوينات مشعة بالإضاءة الخافتة التي تريح النفس
و الهواء ليلاً يكون أكثر إنتعاشاً يلامس الروح بهدوء

في النهاية أشكر حضرتك على الموضوع المصور ( كتابياً )

و أرجو الله الهداية لشقيقك أن يخفف من السرعة خلال القيادة

و حسب قول تشرشل حين كان مستعجلاً يوماً فقال لسائقه ( لتقود السيارة على مهلك لأني مستعجل )

تقبلي تحياتي بسمة منتدانا

في أمان الله و السلام ختام و خير الكلام و الصلاة و السلام على رسول الله

[محبه للجنه]

بسومه حبيبتى طبعا لا تعليق على كلامك عن حبيبتى مصر عجز قلمى عن الكتابه لا أعرف ماذا اكتب ولكن اكتفيت بكتابة كلمه واحده هيا
انك انسانه مرهفة المشاعر واحساس فاض ومحسه للاخرين
تبارك الله فيك وجعلك هدايه للاخرين
ودمتى فى حمى الرحمان
اختك فى الله محبه للجنه

[أبـن الفـــرات]

شكرا على الموضوع الجميل
وياريت المره القادمة يكون مصحوب بصور
بارك الله فيكي مميزتنا الكريمة

[شاكرا لله]

ما شاء الله عليكي اختنا الكريمة بسمة شهيد
فعلا انا من مكاني تصورت اني معاكم بالسيارة
وعجبني انه فريق العمل بيسرع بالسيارة ، احب السرعة الجنونية
اما بخصوص دعوة الكورنيش ،، فاعتقد ان الموضوع يستحق النظر في فعلا..
هههههههههه
جزاك الله خيرا الجزاء ،، ومرة ثانية لو سمحتي ،، خليها بدري شوي عشان
نتعرف على ام الدنيا اكثر....

[نورا*]

بسم الله

اعجبتني طريقة وصفك لها عزيزتي

فقد زرتها مرة واعجبتني كثيرا

واما على رخصة اخوي فبيعوضها هههههه

موفقة يا قمر

[راجية الشهادة]

السلام عليكم:جزاك الله خيرا بسومة الغالية على تلك السياحية الليلية فى بلدنا العزيزة مصر
وطبعا انا عارفة انك كتبتى الموضوع آخر الليل علشان تضمنى انى لا اقرئه ولكن لحظك ....قراته
بس خلاص سماح هذه المرة طالما ذهبتى الى الكورنيش مع اخوك(محرم يعنى)بس ما تستحليها وتقولى كل شواية انا راحة الكورنيش افسح اعضاء المنتدى
لو شرفونا اعضاء المنتدى هنعين لهم مرشد سياحى واطلعى انتى من موضوع الكورنيش ده
وطبعا اشكرك لوصفك الرائع لبلدنا الحبيبة مصر فهى فعلا جميلة ولكن تحتاج ان يراها الناس بعيون محبيها وليس بعيون حاقديها
فالليل فى مصر ساحر حيث الهدوء والسكينة وايضا نهارها له سحره الخاص حيث تجدى صمود اهلها للتغلب على الحياة المعيشية واصرارهم على تحقيق ما تصبوا اليه نفوسهم فتلك لوحة جميلة ايضا تشاهد فى نهار مصر وهى
الاجتهاد والتغلب على الصعاب والاصرار على مواصلة الحياة رغم استحالتها هههههه
والكلام كثير لا ينتهى ولكن لى رجاء ان تعاودى الوصف مرة اخرى لمنطقة اخرى بحسك المرهف وعيونك المحبة التى لا ترى سوى الجمال فى بلدها(هذا هو الانتماء ولا بلاش)
دمتى بكل خير وحفظك الله

[بسمة شهيد]

[quote=أبوسيف;320962]السلام عليكم و رحمة الله و بركاته ،

وعليكم السلام ورحمة الله وبركاته مراقبنا الامع


.. و يجوز لأن سحر مصر لا يستطيع مقاومته أحد

اهو ده الكلام ولا بلاش


أحد الأمور التي كنت أحب فعلها في مصر هي أن أجد لي مكاناً صغيراً في التحرير لأجلس فيه ، أتأمل وجوه الناس

في ظرف ساعتين فقط ، يستطيع الجالس هناك أن يرى مصر على حقيقتها

الباسم ، الحزين ، الضاحك ، الغاضب ، المحب ، الخ

كنت أعود و أنا أحمل في جعبتي أحلام و هموم شعب كامل !!



الله يقويك انا لو من حضرتك استحالة اقعد اصلا في التحرير والا هروح منها على السرايا الصفر
الزحمة شيء مزعج جدا

بس الحمد لله انه حضرتك على الاقل استمتعت بالذكريات دي

وبرده انا عرضي مازال قائم اي حد عايز يزور اي معالم ييجي وانا تحت امره...سياحة سبع نجوم ونص

بارك الله فيك يا باشمهندس

[بسمة شهيد]

[quote=ملاك النور;320996]

السلام عليكم و رحمة الله و بركاته


وعليكم السلام ورحمة الله وبركاته استاذتنا


موضوع جعل البسمة ترافقني بصباح جميل إن شاءالله


التعليق المرافق للموضوع له مذاقه الخاص و كأني أسمعه من حضرتك

والله البسمة هي اللي يشوف حلاوة الوانك التي تدل على مزاج عالي اوي على الصبح

و أيضاً عندي عزومة من راجيتنا الكريمة إن شاءالله ( مخصوص حنفظر فطير مشلتت ) إن شاءالله




لالالالالا انا هنا عندي وقفة يعني تيجي مصر ولا تفوتيش عليه على العموم بيت راجية الشهادة بقى شبه بيت الامة يعني ما شاء الله دايما مجمعنا

وان شاء الله هشوفك اكيد بس نصيحة بسرك اطلبي منها (صينية كنافة ) هي بارعة فيها واسالي مجرب

وانا هعملك بطاطس محمرة مسجلة في موسوعة جينيس هي دي الحاجة الوحيدة اللي بعرف اطبخها

بس حضرتك نورينا ومش هتنسي حلاوة مقابلتا

ابدااااااااااا