فرحت وأرجعت لي وضايقتني مره ثانيه

[أميره الاحزان]

السلام عليكم ورحمه الله وبركاته
كيف حالكم مع المرض الي يدمر النفسية
رجعت لكم بعد طول غياب
ابي مساعده والله بصيح تعرفون شلون تعبتتت


جات فتره يمكن قبل رمضان لاحظت انه صدفية تخف وتخف وفي بقعه وراي ظهري حجمها كبير فجاه صرت انساهاوفجاه لاحظت أنها راحت وبقى بقع كبر البيضه دوائر صغيره وواري ارقبتي تحت شعري بعد كانت فيه بقعه تروع من الأذن اليسار لين الأذن اليمني كلها صدفية صائره المنطقه بشعه وتخوف وتعورني فجاه اختفت وبقت بقع صغيره والجلد صار لونه طبيعي

مادري كيف أوصل لكم فرحتي كنت مستانسه واحمد ربي شعور حلووووواحس هم ونزاح

الحين لاحظتها بظهري وبشعري قامت ترجع والله تضايقت وفقدت الأمل مدري تعاند مدري لو اقدر اقص جلدي وأرتاح منها أوف


الشي للبنت وايد يعور يألم وقاسي ومحد يحسه حتي أخاف وأفكر بالمستقبل والله مب ناقصني شئ بس الصدفية تشوهني افكر لو جاه نصيبي شنو بيكون وضعي والله شئ مدري شاقول لاحول ولاقوه إلا بالله


مرات افكر أقول ليش انا ليش انا وكل الي حولي ومن أهلي مافيهم هالمرض حتي ماقدر أسوي شئ حلو لشعري مع انه فيني قشور وصد فيه وهو مرض مب معدي بس انا أخجل استحي مااحب نظرات العطف


إذا غسلت شعري وفرحت فيه تمر ساعه ويجف الشعر وتطلع القشور كأني مأسويت شئ مب شعور يحرق الأعصاب وأنا شعري ماشاء الله طويل يتعب مع القشور شلون بطلعها
يمكن بعضكم يقول وايد كبرت الموضوع بس انا بنت وهالشي مب سهل عليها البنت غير يمكن اكون فقدت الأمل انهد حيلي كان في بصيص أمل وتشافيت وأرجعت مره ثانيه


يالله ارحمني والله محافظه على الصلاه وصوم بين فتره وفتره والقران دوم بيدي بس يارب اشفيني ابي افرح من قلب قلب قلبي


للعلم اني تركت دواء المستشفي لانه قلته فيه كرتزون وهو مب زين لصدفيه يزيدها قمت استخدم مرهم الدهيميه و أحط زيت زيتون واستخدم شامبو دوكري الأزرق


دعواتكم والي يشفي كل مريض من هالمرض الي ودي أخذه واحرقه زهقننننننننننننني
قلبي صغير لايتحمل يارب صبرنيييييي وأعطني القووووه
فمان الله