شفاء صدفيتي والحمد لله بالسهل الممتنع ان شاء الله

[hend4a]

السلام عليكم ازيكم عملين ايه ازيك اخي ميدان دوره لقيتك فتحت موضوع جديد حبيت ادخل اكتب هنا رجتلكو ب احبار حلوه الله كرمني بالشفا الف حمد وشكر بنسبت 95 بالميه وحتي النسبه الباقيه مش مسببالي اي ازعاج المهم هحكي عملت ايه بتفصيل عشن مقدرش اجزم سبب شفايا بعد ربنا هوا ايه لان عملت مجموعت حجات كده في بعض وربنا كرمني اخر كرم. اول حاجه انا يجماعت الخير جتني صدفيه بكل جسمي نوعها نقطيه بس كان فيه كم بقعه مساحتها تلاته سنتي او اتنين وراسي كانت كلها صدفيه من النوع الصعب قوي قشر سميك جدن فروت راسي كلها حته واحده مكنش بقع زي جسمي جتني الصدفيه من عشر سنين او احداشر سنه بسبب صدمه قويه وبدات رحلت العلاج المريره قابلت دكاتره وناس فيهم الل عقدني وفيهم الل خلاني اتفاءل وكان يروح الل بجسمي مره بحقن ومره بكريمات ومره اثناء حملي يختفي سنه او اكتر ويرجع لكن الل براسي ولا مره شفتو راح وكنت اجرب كل شي مينفعش طيب اخر مره رجعتلي الصدفيه بجسمي بعد ولادتي بكم شهر بعد مكانت مختفيه وطبعن عرفين الست اوقات من تعب تربيت البيبي الل بتكون مش سهله اكيد بتكتءب وشويه حالتها النفسيه تتعب خصوصن انا بناتي شويه شقيين بيزنو كتير الكبار منهم والصغار ويلهوي بقي لما يتحدو عليا بيرفعولي ضغطي اشقيا مشاء الله حركه مفرطه بيتوغلو وينتشرو ويتوزعو بكل ارجاء البيت لدرجت ببقي عيزه اقطع نفسي عسن اقدر عليهم وده لوحدو سبب كافي يخلي نفسيت الست تحت الصفر بجد يجماعه الامومه اصعب وظيفه بالكون وبنفس الوقت هيا احلي احساس بالكون الله بنعم عل كل المحرومين. وكمن طغوط الحياه وبعض المشاكل الل بيواجهها اي متجوزين. طيب بدات ادور علي علاج لان لاحظت صدفيتي كل مادا يتزيد. بجسمي. براسي اتعودت عليه ومكنش عندي امل ابدت اوصل لحل معاه قلت طيب اركز بالصدفيه الل بالجسم لقيت موضوع شرب المره وزيت الكتان اشتريت مره حب وطحنتها وحطتها ب برطمان ازاز ومجبتش زيت كتان لاني زمان جربتو ومنفعش كان عندي لوشن فازلين بصبار كنت ادهن ايدي منو بعد مغسل المواعين بالبر عشن كانو ينشفو قوي اول اسبوعين مشيت علي الطريقه دي اغلي بليل ميه واصبها علي كوب وسط فيه معلقه للشاي ممسوحه صغيره مطحونه. واشربها اول مصحي الصبح مره وحده مقبوله بتحس بمراره شوي بعد متشوبها بس دعري بتروح طعم المراره. وقررت الاستحمام يكون كل يوم بصبونه بولي تار كانت عندي زمان ووقفت استخدمها لما كانت الصدفيه مختفيه. اب الجسم ميه وبعدين افرك كويس بالصابون من غير ليفه اسيب الصابون عالجسم عشر دقايق تقريبن وننشف الجسم بس مش قوي. كنت ادهن لوشن فازلين بالصبار ميزتو ريحتو كانت حلوه وبيتشربو الجسم بسرعه من غير ميسيب اي ملمس مدهنن او زيني. طيب مشيت علي طريقه دي اسبوعين وبعدين مفيش نتيجه ملحوظه قوي وكنت قربت اياس وامل يجماعه لا لازم نحكم علي اي نتيجه علاج عل اقل بعد اول شهر وكانت المفاجأه ان بدات نتيجه وببطء بعد اول اسبوعين. وقلت حلو مستعجلش الل خلاني اصبر السنين دي كلها يخليني اصبر شويه كمان وقررت مدققش قوي ببقع الصدفيه واعملها شغلي الشاغل ونستها. وبعد اول اسبوعينخليت الاستحمام عادي كل يومين تلاته وبشمبو عادي وبقيت اشرب مره كل كم يوم يومين او تلاته. وادهن فازلين لوشن بصبار كل يوم مره وحده سواء اتحممت او لا قبل منام او الصبح وفيه كم حاجه كده. وقت العلاج لاحظتهم كنت اكل بصل كتير وزيت زاتون وزتون مخلل بقكم علي العوايد الغريبه عن نمط حياتي بظبط عشن ميكنش ناقص حاجه من الل عملتها تمام كده يعني مش علطول بس زودتهم شوي ودخلتهم ب اكلي اكتر نيجي بقي لاهم نقطه قررت ابص لحياتي بنظره اوسع قررت ان اطول بالي اوسع خلاقي لان انا زعلت او لا الل عليك عليك قررت ان اغير نظرتي لحياتي ومشكلي بجد يجماعه الواحد لو بص لحياتو بكءابه وصعوبه هتفضل كءيبه قوي ولو بصلها بسهوله وحلاوه هتبقي حلوه وزي الفل ان شاء الله وبصيت للايجابيات الل بحيات وسبتني من الحجات الوحشه خالص يعني مثلن ولادي شقيين حبه حبتين طب ومالو ما الولاد كده كلها هههههه قلت اصبر نفسي فيه ولاد شقاوتها اكتر بس والله مش لاقيه بعفرتتهم ابدن بس الف حمد وشكر زعلانه ليه مش بدل ميكونو فيهم حاجه بعد الشر قلت احمد ربنا مش مرضه اهم حاجه والله كرمني بنعمت الخلفه الامومه الله ينعم علي كل محروم يقادر يكريم والله عطانا نعمت الصحه والستو الل ناس كتير انحرمت منها الف حمد وشكر عايشين مش محتاجين لحاجه ولا لحد ودي لوحدها نعم تخلينا نبوس ايدنا وضهر لما نشوف غيرنا بردان جعان واحنا عايشين بخير وكنت ازعل من عصبيت جوزي الله طيب مهوا حرام حبيب عمري تعبان وشقيان عشانا عشن يوفرلنا كل شي نحتاجو وعندو مشاكل وضغوط وحنين معانا لابعد الحدود وده شي يعزرلو اي عصبيه فيها ايه لو اتحملتو وقلت اهو شويت عصبيه في لحظت غضب وبيرجع يروق هوا انا كل حاجه هخدها كده علي محمل الجد ولا ايه لا مينفعش كده يعني من الاخر كده نوسع صدرنا شويه ونرضي باللي احنا فيه ونساير حياتنا وظروفنا ومبص ديمن للي اقل مننا عشن نعرف قيمت النعم الل في ايدنا ونحمد ونشكر ربنا عليها ونعتبر من الل حولينا. وبسطها متستبسطهاش هههههه افتكرت الجمله دي الل يعرف يقلها عشر مرات بسرعه ورا بعض يبقي شطور ريحو نظركم من القرايه شويه عشن متهبطوش مني او تفصلو ههههههههه. وهكمل تاني هبعت الل كتبتو لان والله كتبتو كزا مره وكان يتمسح وارجع اكتبو تاني خليكو معايا فاصل ونواصل