اظافري منقره من 3 سنوات ونفسيتي تعبانه منهم

[طفت شمعتي]

السلام عليكم
الحمدلله رب العالمين اللي هداني لكم ولهذا الصرح الشامخ عسى ربي يرزق كل فرد فيه الفردوس الاعلى بالجنه
انا اختكم طفت شمعتي وجيت اشكي لكم همي وان شاءالله القى الحل بعد الله عندكم
ياناس انا ضاقت فيني الوسيعه اظافري من قبل مضروب فيهم المثل بالجمال الكل كان يحسبهم تركيب
ومن 3 سنين للحين وهم حالتهم حاله صاروا منقرييييين كأن احد داقهم بمسامير
رحت لأكثر من دكتور جلديه ورحت للباطنيه وكلهم مو عارفين الاسباب وسويت تحاليل وكلها طلعت سليمه وسكتوني بحبوب زنك وبخاخ اظافر وتحسنوا بمقدار 15% بشكل غيييير ملحوظ
مركز تحميل الصور
هذي صورة من النت بس اظافري صارت نسخه منها
واظافر رجلي بالتدريج صار بعضهم كذا واحس ان الدور جاي ع البقيه مثل مااصار بيدي
ابي اعرف يا اخواني في احد صار له كذا وقدر يعالج الموضوع ؟؟
وربي ضايق صدري على اظافري والمشكله انهم مُلاحظين بقوه والكل يسألني وش بأظافرك ؟
كل ماناظرتهم خنقتني العبره وبكيت
ياترى هذي صدفيه ولا ايش ؟؟ وايش علاجها ؟
وياترى لو كانت صدفيه ممكن انها تنتقل لباق الجسم مثل اليدين وال

[المستعين بالله 2]

ياأختي خللي ايمانك بالله كبير وإحمدي الله على حالك اللي ملايين الناس بتتمنى انها تكون بحالك ، وكوني قوية وليس ضعيفة بهذه الحالة البائسة فحالتك أختي لاشيء يذكر بحال ملايين غيرك وأنا متأكد انشاء الله بأنك سوف تشفين كما شفي كثيرين بهذا المنتدى وسوف تضحكين على حالك الأن ، فقط اصبري والله يحب الصابرين.

[متفائلة برحمة الله]

المرض والشفاء بيد الله
لكن حبيبتي انصحك بقراة سورة البقرة والرقية الشرعية
لان احتمال فيك عين بما انك تقولين ان اظافرك كانت لافتة ومضرب المثل

انا صدفية الاظافر جتني من عين قوية
كل ماقرات القران خفت شوي
لكن تحسن بطيء
الاظافر يبي لها صبرررر

[طفت شمعتي]

تسلمون الله يخليكم
ان شاءالله اني اواصل بالرقيه الشرعيه وسورة البقره بس اعرف نفسي ملوله وانسى

تنصحوني بدواء معين ؟؟

[بوسطن]

اختى الكريمه الف سلامه عليك
من العنوان ما اصابك عين وحسد
افركي يدك بالملح وليمون يوميا وبتعدى عن الصابون

[reem50]

هل رحتي طبيب جلديه وماهو راي الطبيب ؟؟؟؟ ابتهجي عزيزتي اللي هنا يتمنون يكونو مثلك ماشاء الله حاله بسيطه باذن الله واللي مار عليها شيء ثل هذا يخبرنا على الاقل ماهي هذه الحاله

[لمى...]

شوفي حبيبتي انا مثل هالاأظافر بالضبط اللي حاطه صورتهم وانا فيني صدفية يعني اكيد السبب هو الصدفية

استخدمت القطران انقع يديني فيهم مدة ثلاث مرات باليوم كل مرة ربع ساعة

الحمدلله تشافو باقي اصبعين على طريق الشفاء انشاءالله

بس ترا يدي صارت سمرا

[لمى...]

والحين عشان صرت سمرا ووراي مناسبات

بوقف القطران الاسود وبشتري القطران البيج

وبستخدمه هالفتره هاذي قبل المناسبات وان شاء الله ماترجع الصدفيه وراح اذكر تجربتي

سواء كانت ايجابية او سلبية بعد ماأجربه ...

[لمسة ملاك]

شفاك الله وعافاك اختي
ان كان لديك شكوك بأنها عين او حسد
لما لاتذهبي لجلسة رقية شرعية او تابعي مع الشيخ البتار الساطع هنا
واقرأي مواضيعه في قسم الرقية
او جربي ارقي زيت زيتون وزيت حبة البركة وادهني اظافرك بها
عسى تجدي النفع

[طفت شمعتي]

المشاركة الأصلية كتبت بواسطة بوسطن

اختى الكريمه الف سلامه عليك
من العنوان ما اصابك عين وحسد
افركي يدك بالملح وليمون يوميا وبتعدى عن الصابون

تسلم يا اخوي بوسطن
بس كأنها صعبه ابتعد عن الصابون
شي صعب لابد من تغسيل اليد اكثر من مره باليوم غير الاستحمام

المشاركة الأصلية كتبت بواسطة reem50

هل رحتي طبيب جلديه وماهو راي الطبيب ؟؟؟؟ ابتهجي عزيزتي اللي هنا يتمنون يكونو مثلك ماشاء الله حاله بسيطه باذن الله واللي مار عليها شيء ثل هذا يخبرنا على الاقل ماهي هذه الحاله

تسلمين مشرفتنا الغاليه ع الرد الحلو المشجع
رحت لطبيبين جلديه ولطبيب باطنيه وكلهم سوو لي تحاليل دم وقالوا ان نتايج التحاليل كويسه
ومو عارفين يحددون السبب كلهم قالوا لي انسي الموضوع وتعايشي معاه عادي
حتى سألتهم هل هذي اكزيما ؟ قالوا لا
ولا حتى نقص با الفيتامينات
مع ان واحد من دكاترة الجلديه اللي رحت لهم اعطاني زنك وبخاخ اظافر وخلاني امشي وبالفعل استمريت ع الزنك مع ان الزنك مو ناقص عندي وتحسنت بشكل بسيييييط لا يكُاد يرى

المشاركة الأصلية كتبت بواسطة لمى...

شوفي حبيبتي انا مثل هالاأظافر بالضبط اللي حاطه صورتهم وانا فيني صدفية يعني اكيد السبب هو الصدفية

استخدمت القطران انقع يديني فيهم مدة ثلاث مرات باليوم كل مرة ربع ساعة

الحمدلله تشافو باقي اصبعين على طريق الشفاء انشاءالله

بس ترا يدي صارت سمرا

المشاركة الأصلية كتبت بواسطة لمى...

والحين عشان صرت سمرا ووراي مناسبات

بوقف القطران الاسود وبشتري القطران البيج

وبستخدمه هالفتره هاذي قبل المناسبات وان شاء الله ماترجع الصدفيه وراح اذكر تجربتي

سواء كانت ايجابية او سلبية بعد ماأجربه ...

تسلمين لمى ع الرد
بس كيف يسمر ؟
اطراف الاظفر او مقدمة الاصبع فقط ولا اليد كامله ؟؟

المشاركة الأصلية كتبت بواسطة لمسة ملاك

شفاك الله وعافاك اختي
ان كان لديك شكوك بأنها عين او حسد
لما لاتذهبي لجلسة رقية شرعية او تابعي مع الشيخ البتار الساطع هنا
واقرأي مواضيعه في قسم الرقية
او جربي ارقي زيت زيتون وزيت حبة البركة وادهني اظافرك بها
عسى تجدي النفع

ودي اروح لشيخ والتزم معاه بس ياليت فيه مواصلات
لكن بإذن الله بتابع من الشيخ البتار

بس حبيت اسألكم ع اللوريد
انا قريت عنه هنا و مدري تنصحوني استخدمه بدل القطران ؟؟
ينفع لحالتي ؟

لاني ناويه استخدم الليمون والملح مثل مانصحني اخوي بوسطن الله يعطيه العافيه
وفكرت استخدم معه اللوريد