عندي قطران.. لا اريده ؟؟؟؟

[المنضر]

السلام عليكم ورحمة الله


اخواني اعضاء وزوار ملتقى الشفا
انا اخذت الدواء من صيدليه ادما الرياض
وفي اول استخدام جونا ضيوف من الديره
واحنا قاعدين نتكلم سالوني عن الصدفيه
قلت والله توني ماخذ دواء من احد المنتديات
واسمه قطران الفحم الحجري
وقلته انه مايشبه النباتي
قالي واحد شايب فيهم
انو كانو يتخدمون قطران شجرة السلم
قديم على ايامه في علاج امراض كثير
منا الغنم والابل والناس حتى الجرب يعالجه ومايضر حتى لو كان فيه اماكن فيها دم وجروح الخخخخخ
المهم الشايب دخل الفككره في راسي . مع العلم اني كنت خايف من استخدام القطران الحجري ..
في اليوم الثاني رحت واخذت قطران السلم . فيه منه نوعين . واحد القار. والثاني مهل.
انا اخذت المهل .
استخدمة يمكن خمسة ايام وربي الحكه راحه وارتاحت نفسيتي

والاهم تدرون كم سعر الجالون 15 ريال سعودي

اللي يبي يجربه يروح ناس حقين غنم يعني بدو يعرفون فين يلقونه ..



والاهم انا عندي حق صيدلية ادما لم استخدمه سوى مره واللي يبيه انا بعطيه اياه











..............

[اسير التعب]

ههههه جممميل اخي المنظر ججميل جدا
نود أن نعرف من اين اشتريته
لاني سسمعت من احد ابناء عمومتي يقول عندما اخبرته بالدواء
قال لي : اذا تشب النار بالحطب وبعد فتره والنار شغاله ينزل من اعواد الحططب سائل اسود يقل انه القطران ويقول انه كان يسستخدمونه لامراض جلديه منها الاكزيميا


المهم مما عليينا
عندي كذا اسستفسار ي ليت تجاوب علي


اولا: نوع صدفيتك وهل كان عليها قشور
ثانيا:من اين اشتريته
ثانيا : طريقه الاستخدام


وبس
واذا عندك حق ادمه وما تبيه في اعضاء يحتاجونه ولك جززيل الشككر

[رجيتك ربي]

أخوي أنصحك تستخدم القطران الحجري افضل أنا جربت النباتي أكثر من تسعه شهور خففها بس ماراحت استخدمت ترى ريحته قويه ريحه حطب وتبان عكس الحجري
القطران الحجري والحمد لله افضل من حيث الريحه والنفسية افضل وأنا في مرحله الوقايه الحمد لله على كل شئ اختصر اخوي الوقت وخلك على الحجري افضل والله يوفق الجميع .

[ايهاب العراقي]

اخي الكريم المنضر انصحك تحتفط بمحلول قطران الفحم الحجري ..ومن تجربتي للقطران النباتي لاحظت عودة المرض في غضون ايام ايام معدودة بعد ايقاف القطران النباتي اما قطران الفحم الحجري فهو يحتوي على الكثير من المركبات الفعالة التي تقضي على الصدفية والغير موجودة في القطران النباتي..وحتى بالنسبة لعودة المرض انا بعد الشفاء لم استمر على الكورس العلاجي ورجعت لي الصدفية بعد شهور ولكن بشكل قليل جدا ويمكنك القضاء على الصدفية في اي وقت بوجود هذا العلاج الفعال

[المنضر]

طبعن اشتريتها من حراج يوم الخميس من حراج القوز قريب من القنفذه


ونوع صدفيتي مدري بس ذي الصور
http://forum.ashefaa.com/showthread.php?t=146950&page=2

الااستخدام انا استخدمه بالليل مره يعني كل ليله بس
والحمد لله جاب نتيجه
اروح اي محل ابغى وانا حاطه




وقطران ادمه عندي علبه الظاهر واحد لتر اخذتها بسبع ميه
واللي يبيه ... طبعن بدون مقابل ..

الان انا متواجد حول القنفذه بس انا من سكان مكه ...


؟؟؟

[reem50]

ممكن هيثم ياخذه لو اراد لانه راح يشتغل بمكه قريب منك

[جودينا]

المشاركة الأصلية كتبت بواسطة المنضر

اخواني اعضاء وزوار ملتقى الشفا
انا اخذت الدواء من صيدليه ادما الرياض
وفي اول استخدام جونا ضيوف من الديره

ههههههههههههههههه الحين بعدك ما قلت بسم الله بتغير القطران !! يعني تعنيت و جبت العلاج ومن اوووول استخدام سحبت عشان واحد من الديره قال خذ غيره
لا و تبى تسبل العلاج يعني مؤ سحبت وبس ههههههههههههههههه مؤ هم يقولون عطو سداح فرصه وين فرصه سداح


لحد ياخذ علاجه خلوه يخيس عنده


لا تسبل علاجك نصيحه ماتدري عن قطرانك النباتي و مفعوله .. وأي علاج تستخدمه لازم ياخذ وقته
والله يشفيك

[nada1000]

سلام جودي وشو اخبارك ..........
كمان اشتقنا الى اجوان صارلها زمان ما بينت........
وكمان اخي ايهاب طمنا عنك وكيف الحال ....وشواخبار القطران معك.......؟

[المنضر]

انا والله ياجماعه اول ما استخدمة القطران كنت خايف .. تدرون لدرجت ايش لدرجة انو تجيني حمى

ووساوس اعوذ بالله منها

المهم ورب البيت اني لي فتره بعد استخدام القطران النباتي يمكن اسبوعين والحكه فارقتني كما انا السواده راح منها شوي ومعزم من بكره ابدى استخدمه والله يشفيني ويشفي جميع المسلمين



والله انه محطوط عندي قطران الفحم .. وش اسوي فيه ابوي يقول طشه .. وانا قلت حرام
مدام انا ماخذ فكرته من المنتدى راح اشوف واحد يبيه .. واعطيه الدواء واكسب انا احسن شي اللي هو الدعاء..

عادي اي واحد مو شرط من مكه لو يبيني ارسله له ماعندي مانع








؟.,.,

[جودينا]

المشاركة الأصلية كتبت بواسطة nada1000

سلام جودي وشو اخبارك

تسلمي ندوش
منشكور الله الحمدلله
انتي شو أخبارك؟؟؟