وصلت الشهر السادس وهذي النتيجه(العلاج بالقطران الحجري)

[الزوجه الاولى]

بسم الله الرحمن الرحيم
بديت بوضع القطران في 18/1/1433ه(ابتكلم بالعاميه والفصحى فاصبروا علي)
كانت الصدفيه منتشره بشكل فضيع فضيع في جميع انحاء جسمي الجبهه والذقن والعضدين هذي بس انتشرت فيها في وقت قصير اما الكفين والساقين والاقدام والرأس من زمان مرا تزيد ومرا تنقص
وماخليت اول ماجتني الصدفيه كلشي جربته رحت المستشفى الوطني ورحت الدكتور البغدادي وابو بكر يوسف والمركز الوطني لعلاج البهاق والصدفيه وعلاج ابالخيل الي في الديره ومحمد الملحم عباره عن اعشاب وش بعدصارحه من كثرها نسيت المهم اكثر من 25سنه وانا مع الصدفيه وهي معاي الى ان اثرت على مفاصلي وصرت ما اتحرك قبل كم شهر المهم اني توكلت على الله واستخدمت القطران بس قبل استخدمه سويت تركيبة المرهم الي ساعدتني في تركيبها الاخت ريم ثم اول شي وفره لي الله يجزاه خير الاخ ايفانس الله يفتح له ابواب الرزق دنيا واخره ماقصر خذت منه تقريبا نص لتر اجرب وفعلا حطيته وحسيت بنفس الاعراض الي ذكرها اخونا قيس العبيدي حرقه بسيطه اول ماحطيتها وبحراره عند التعرض للشمس ولاحضت اختفاء الصدفيه الي ما انتشرت الا قريب العضدين والجبهه والذقن بسرعه لانها جديده والحمد لله شفت العافيه شوي شوي وادعي لكل من دلنا ع هالعلاج العجيب وخلصت الكميه الي عندي وارجع اكتب في ها المنتدا الطيب الي ارمي كل همومي عليه وادري ان الله بيسخرلي من يساعدني وفعلا ما قصر معي الاخ محمد الحارثي الله يعافيه ويرزقه ويشفي ولده يارب كان جاي للرياض لموعد لولده واتصل ونسق مع المندوب لين وصله لمكان اقدر اجيبه بكل سهوله فشكرا يا اخ محمد
وبدات استخدم القطران مره ثانيه والاسمرار يزيد والحبوب تطلع الي ذكرها الاخ قيس والصدفيه تتلاشا شوي شوي الراس كان معند فدهنته بزيت خوا جوا ولفيته بكيس ثم اغسله واذا نشف حطيت القطران وسويت ها الحركه يمكن ثلاث او اربع مرات واختفت الصدفيه من الرأس ولله الحمد والجسم كنت اضع القطران في الليل وارجع ازيد عليه بعد صلاة الفجر والمرهم تركته بالتدريج وهكذا كل يوم والنتيجه الحين اختفاء الصدفيه من جسمي الا بعض الحبات المعنده معي حبتين في الظهر وست حبات في الساق الايمن وثلاث في الساق الايسر هذي يابسات ومعندات بشكل فضيع
والحبوب طلعت لي الي هي حبوب الشفاء ان شاءالله بس صارت مزعجه في الشهرين الاخيرين صار معها صديد ووقفت القطران عنها وخفت من العضدين بس انشرت في الصدر وصات مزعجه في ها الحر ووقفت القطران عنها لين تروح وبس صراحه احس كلامي مو مرتب بس حبيت احط تجربتي واي سؤال انا حاضره

[عبدالمعين]

ألف مبروك الشفاء والله يديم العافية والصحة السلامة. صبرتي وظفرتي بإذن الله .

[reem50]

لا حبيبتي كلامك واضح وانتي ماشيه صح واخذتي اجازة كم يوم من القطران وتعودين بس سوال يعني الحين بس الحبوب ام ان هناك صدفيات معنده معاكي

[الزوجه الاولى]

الله يبارك فيك اخوي عبد المعين والله يتمم الشفاء التام يارب ع الجميع

[الزوجه الاولى]

المشاركة الأصلية كتبت بواسطة reem50

لا حبيبتي كلامك واضح وانتي ماشيه صح واخذتي اجازة كم يوم من القطران وتعودين بس سوال يعني الحين بس الحبوب ام ان هناك صدفيات معنده معاكي

فيه صدفيات معنده الي هي حبتين في الظهر والي في السيقان هذاي صدفيات معنده مره تذكرت الاخت احساس زوجه الظاهر كاني مانسيت
جربت كل الطرق تغريق قطران وحطيت فازلين وحطيت من التركيبه الي بقت ونفس الشي حالفه ماتروح خخخخخخ

[ايهاب العراقي]

ماشاء الله نتائج جيدة اختي الزوجة الأولى..الله يتمم شفائك ويديم عليكي الصحة والعافية..اي عادي تقدرين تاخذين استراحة الى ان تروح الحبوب

[الزوجه الاولى]

المشاركة الأصلية كتبت بواسطة ايهاب العراقي

ماشاء الله نتائج جيدة اختي الزوجة الأولى..الله يتمم شفائك ويديم عليكي الصحة والعافية..اي عادي تقدرين تاخذين استراحة الى ان تروح الحبوب

اللهم امين
ومشكور اخوي ايهاب بس اذا تقدر تفيدني مع الصدوفات المعنده :d

[لـيـبـي]

الكل رح يقلك مع برسيل مفيش مستحيل اقصد مع القطران مفيش مستحيل

[أجوان]

وش الحركات هذي اممممممممم مابشرتيني على الواتس
كثيييييييييييييييييييييييير ياقلبي فرحتيني والله يتمم ويديم عليك عافيته // ذكرتيني
الملحم وابالخيل كان لي حكايات معهم // وابوبكر يوسف ( سوداني صح )؟ لما كشف على
فروة راسي من زمااااااااااااااااااااان تدرين بإيش ؟؟؟ تعرفين إللي يفتحون فيها الظرف زي
السكين ؟؟؟ يحك فيها فروة راسي حسيت انه جرح راسي وطلع دم !!! منتهى الجفاصه
مو كشف هذا تشريح إلا شوي
مبروك ياقلبي الله يكتب لك أجر ماسلف من أيام ومعاناة وألم .. تحياتي

[reem50]

المشاركة الأصلية كتبت بواسطة الزوجه الاولى

اللهم امين
ومشكور اخوي ايهاب بس اذا تقدر تفيدني مع الصدوفات المعنده :d

تتذكرين اخونا احمد من الكويت وكانت عنده على اليد صدفيات معنده وهو ظل يحط عليهم قطران عدة مرات باليوم الى ان راحوا