رايت اخي يبيع المخدرات ويتعاطى

[احلى حكايه]

حلمت انه انا راكبه السياره مع اخوي وشفت اخوي يبيع مخدرات لـ احد اصحابه وانا منصدمه واقول له انت مجنون تبيع قال وش اسوي وقصده محتاج فلوس بعدها سالته انت كلت منها قال ايه قلت مجنون تاكل تبي تضيع
قال عادي ماحسيت بشيء وانا مستغربه ومنصدمه كيف مايحس وهو ماكل ويقول اكل عشر حبات وبعدها كل وحده قدامي وقلت له ياخوي انتبه لنفسك اقبض ارضك وارضي ربك ماتدري متى تموت الصلاه الصلاه ياخوي لاتخليها الا الصلاه والاعمال الصالحه وقمت انصح فيه وقلت له والله ياخوي خايفه عليك قال تخافين علي قلت ايه وتحولت الصوره في منامي كاننا بمجمع وكنا انا واخوي بمحل لبيع الجزمات اكرمك الله
وبعدها اخذت وحده عجبتني ورجعتها وقبل لااطلع سعت صوت جرس السرقه قوي مرره وكانه احد سارق وتحولت الصوره في منامي وكاني ببيت جدي ابو امي وقال خالي1و2 خلينا نرويهم النمر وانا واختي خايفين حيل واختي راحت تتخبى وانا رحت ادور مكان دخلت المجلس وقفلت الباب قلت لاماينفع الباب خشب يقدر يكسره
خليني ادخل داخل المخزن ودخلته وقفلت لانه كان من حديد وبعدها سمعت صوت خالي1 يقول وين ، يقصدني
وبعدها امي جات المجلس وكان بيدها النمر واسا سا ماهو نمر كان اسد صغير يعني شبل الاسد وقالت انا ارويك (قصدها ليه ماشفتي النمر) ودخلت داخل المخزن وانا مستغربه كيف دخلت وانا مقفله باب المجلس وداخله المخزن وقافله وتحولت الصوره في منامي وكاني جالسه مع خالتي في نفس المجلس وكان في الارض ورقه كبيره ملصقه بلواصق وكان فيها اسماء كثيرة وقلت وش هالورفه قالت خالتي هذي ورقة العايله وانا فرحت قلت باخذها قالت لا ابوي يبيها بعدها قالت اختاري واحد يكون لك زوج قلت هذا وشفت اسمه وكان جنبه عمره وكان عمره 8 ثواني قلت يوه هذا طفل توه مولود
وانقطع

الــعـــــــــــــمـــــــــــــــــــر؟ 17
الحــــالــــة الـصـــحــــيـــــة؟ الحمدلله مافيني ششيء وبكامل صحتي ولله الحمد
الـحـــالــــة الإجـتــمـاعـيـــة؟.... عزبآء وسبق لي الخطوبه مرتين الاولى ورفضت والثاني رفضته امي
الـــتـــــــعـــــــلــــــيـــــــــم؟ المرحله الثانويه > ثاني
هــــل أنــــت مـــتــــديــــــن؟ متدينه
ماهي الدولة التي تقيــم فيـها؟ السسعوديه
تـحـــديــد وقـــت الــــرؤيــــا؟بعد صلاة الفجر
بيانات المتواجدين معك بالرؤيا؟ اختي غير متزوجه طالبة عمرها 16 متدينة

[احلى حكايه]

ارجوكم ي مشايخ فسرو رؤياي

[ابونايف الحربي.]

و تقصدين ب قال خالي 1 و2

[ابونايف الحربي.]

وايش اسم الزوج اللي رئيتيه بالرؤيا وعمره 8 سنين

[احلى حكايه]

لااذكر اسم الطفل لانه كان ثلاثي ياشيخ بس اذكر مكتوب جنب اسمه 8 ثواني
وقلت انه هذا طفل صغير توه مولود واتذكر انه اسمه غير معروف ايضا يعني لايقرب لي ولااعرفه


ـ،‘
واقصد بكلامي خالي1و2
انه خالي الاول وهو اكبرهم وخالي الثاني
واحد اسمه مالك والثاني محمد
اثنينهم متزوجين ولكن الاول غير متدين واظن انه لايصلي ايضا والثاني الحمدلله يصلي ويخاف الله

[احلى حكايه]

جزاك الفردوس ياشيخ
اتمنى انك تفسر رؤيتي الثانيه وجزاك الفردوس
http://forum.ashefaa.com/showthread....88#post1219288

[احلى حكايه]

انا ماشفت ياشيخ 8سنين جنب الطفل شفت 8 ثواني