اتمنئ احد يفسر لي هالاحلام

[سجينه الحنايآ]

السلام عليكم ورحمة الله وبركاتة

ياشيخ انا عندي 4 احلام اتمنى تفسر لي هالاحلام

الحلم الاول :
حلمت كنت بيتنا القديم واقفه عند الباب وكان فيه بنت تسوق سيكل هالبنت تكون اخت الشخص اللي اعرفه وانا جالسه اناديها وهي تضحك وتسفهني وكانت امها عند جدتي بيت جدتي بنفس الحوش
المهم بعد شوي يجي هالشخص معاه ابوه واخوانه اثنين صغار ابوه كان شايب
مرتب لابس ثوب وعمامه وهو نفس الشي لابس ثوب وشماغ ومعاه اخوانه اثنين صغار
انا اشوفهم عند الباب الا يناظر فيني ويبتسم بعدين طلعو للصاله
وانا اروح لغرفتي اناظر له هو ياشر لأبوه كانه يقول ان ابوه مانعه او في شي عليه الا ابوه كان يلبس جزمته الله يكرمك وهو يعرفني على اخوانه ويقول اساميهم وكان ابوه يقول صغيرة ماتصلح لك بعد شوي تجي امه تكلم امي عني كأنه موضوع خطبة الا امي تقول اها اشوف تنادي اخته واقول وشعرفها فيها بس

حلم الثاني :
نفس الشخص
حلمت انه نقل من مستشفى هو يشتغل بمستشفى وانا بعد اشتغل بمستشفى
جاء يستأجر عندنا اخذ غرفت ابوي مع علم بيتنا القديم عبارة عن صاله في كل زوايه غرفتين فقط
هو كان بغرفة ابوي جالس وحنا بالليل نايمين بالصاله مع خواتي وامي وانا افكر اقول كيف امي سمحت له يأجر وهو شاب لحاله بعد شوي اطل عليه الا هو جالس على لاب توب
جاء ءالصباح امي تصحينا وانا صاحيه رحت البس ملابسي الا اصرخ على شغالة ماكوت طرحتي بعد شوي امسك نفسي قلت اخاف يقول عني عصبية واطلع للصاله ابي اصلي واخاف يشوفني لان شعري كان مزيت واحط السجاده بس القبله غلط وكان شي يمنعني ونفس الوقت خايفه ومرتبكه شوي انتبه انه القبله غلط رحت اعدل القبله واصلي الا هو صاحي راح يتروش بحمام ابوي وكان اخوي الصغير جالس على درج الباب يذاكر واسأله عنه اقول شرايك فيه قال ماكلمته الا مرة بعد شوي الا نطلع للسياره مع اخوي الا هو يركب سيارته واقول لأخوي ترى هذا ممرض معانا بالمستشفى محترم اخوي سكت


الحلم الثالث :
رحت انا امي لسوق الذهب وكنت بشتري لملكتي ذهب ونفس الوقت متردده انه ماراح يجيني نفس الشخص اخاف اشتريها على الفاضي مايجي ونفس الوقت عندي قناعه انه بيجي شريت ذهب لونه ذهبي مع فص اسود وسلسال طويل في اخره كوره وفيها فص ذهبي وانا محتارة مابيه كان قيمته 11 الف واقول لأمي تقول امي خلينا نشتري وبعدين نتفاهم ونطلع من المحل افكر ارجعه واشتري ذهب ابيض لأن اخاف بنات خالي مايعجبهم اللون ذهبي قديم ونفس الوقت خايفه الخاتم مايكون مقاسي المهم رجعنا للبيت الا امي تقول شرايك اشتري له ساعة ونحذفها عليه وانا بنفسي متردده اخاف مايجي يتملك المهم الا ادخل عليه بصاله الا هو موجود معاه اثنين مفسخين وهو مفسخ ماعليهم ملابس الا صاحبة اللي جنبه يقوله اذا تحبها لاتلعب عليها تزوجها وهو كانه متردد يبي ولايبي كان في شي مانعه وانا كاشفه صدري له وهو يحاول يقرب له


الحلم الرابع :
انه كنت بغرفتي وعندي امي واختي كأنهم مشغولين بشي وانا اسوي اختبار حمل
على قطع خشبيه مثل الخشب اللي يكشف فيه الدكتور على فم
المهم يطلع خط خفيف احمر واقول لأختي طلع احمر يعني حامل واردد اقولها وهي تقول ايه وسافهتني المهم ارجع اسوي اختبار مرة ثانيه ويطلع بعد احمر خط وبعد اعيده ثالث مرة ويطلع خط احمر شوي اكبر من قبل واقول لاختي يعني حامل ونفس وقت متردده اخبر هالشخص او لا

ياليت ياشيخ تفسره لي
علم اني عزباء عمري 23 سنه موظفه