اللى يحب يجرب هالخلطه يتفضل؟؟؟

[أم ناصرررر]

السلام عليكم ورحمة الله وبركاته
اخوانى وخواتى المتصدفين بقولكم عن تجربة اخ عمانى قال عنها
انا في يوم من الايام رحت المعرض الدولى عندنا بالكويت وعند دخولى للمعرض شفت صاحب العسل عمانى وقفت عنده اساله عن العسل وشفت عنده كريم لوز وعسل وخذيت منه سبحان الله وسالته وعلى نيتى قلت ماعندك شي للصدفيه
شافنى متعجب قال تصدقين ياختى انا عندى صدفيه برجلى كنت ماقدر امشي وصارلى سنتين ماشفتها بعد الله وهالخلطه قلت شنو ولا عليك امر انا اعرف ناس يعانون من الصدفيه ممكن تقولى عنها قال ان شاء الله قلت بنفسي لايكون مجربتها
انا
قال تعرفين شجرة السدر اورقها(شجرة الكنار عندنا بالكويت )خذى منها على كمية كف اليد وحطيها بالخلاط وضعى شوية ماء تصبح زى الملخيه قلت وبعدين قال خليها تنشف في الجسم بعدين غسليها
قلت معقوله تشافيت قال كانى جدامك ما اعانى منها ربي لك الحمد
عاد انتو متعودين على الخلطات مادرى احد جرب منها في الملتقى مادرى
حبيت اقول لكم عنهاوهو شخص متدين من شكله وقلت عطنى هالكريم اللى هو عباره عن لوز وعسل والله حلو ارتحت من الجفاف اللى كنت اعانى منه
اتمنى الشفاء للجميع يارب

[ابو صالح 40]

جزاك الله كل خير اختي الفاضلة ام ناصر على نقلك لهذه الو صفة ومبروك لك الشفاء واسال الله عز وجل ان يشفينا ويشفي جميع مرضى المسلمين

[سامية الحرف]

وفقك الله ورعاك

[أبو ريماس]

الله يعطيتس العافية ام ناصر

[صدفيه وبس]

مشكوره يا ام ناصر وصفه انشالله تعالى مقدور نساويها بس نحصل شجر السدر الله يكتبها بحسناتك ويجعل فيها الشفاء للجميع

[اثير الدين]

هذه وصفة سهلة إن شاء الله نجربها ....جزاك الله خيرا

[اللماس]

الله يعطيك العافية ام ناصر

[أجوان]

أختي ام ناصر بارك الله لك في صحتك وذريتك الحمد لله أنا مبدئياً مرتاحه على وصفة الأخ كمال العنابي شفاه الله ومستمره حتى الآن .. سؤال لوتكرمتي بخصوص زيت بذرة الكتان مكتوب عليه للشعر والبشره هل أضيفه لزيوت أخرى للشعر والبشره ولايكفي بدون إضافه ؟ جزاك الله خيراً .

[أم ناصرررر]

يفضل انك لاتضيفيه لزيوت اخرى لوحده كفايه بدون اضافات احسن
اتمنى لكم الشفاء واللى يبي يجرب هالطريقه السدر طريقه سهله وبدون ريحه
الله يوفقكم ويشفيكم جميعا

[دعواتكم لي]

ام ناصر انا ساله دكتوره عن السدر لفروه الراس قايله لي انه تهيج الصدفيه
لان السدر اصلا ينظف ويسبب جفاف