|
|||||||
| علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
 |
|
|
أدوات الموضوع | انواع عرض الموضوع |
|
#1
25-09-2011, 03:24 AM
|
||||
|
||||
قطران شركة تسويق الدواء اللي حصلت عليه بالصور
اسعد الله صاحكم بكل خير انا حصلت على القطران فحبيت اني اعطيكم العلم كامل بداية اشكر فتى الخرج وابو لمار على سعة صدورهم بكثر اسالتي وين محلهم عاد تعرفون الرياض كبيرة مرة المهم اخذت رقم الشركة فرد علي الدكتور المحمدي وسالته عن القطران قالي موجود وقلت ابي منه قال خلاص تعال استلمه وعلمته اني جاي من مكان بعيييييد ومشوار اخاف اوصل الرياض وتقول خلص او مافيه قال تعال وعندي علاجك المهم سكرت منه الساعه 11 الصباح يوم الاربعاء ولا جاءت الساعه 3ونص العصر الا وانا مغبر سيارتي ومغير زيوتها وقاري دعاء السفر ومريت واحد من العيال ومسكت خط الرياض ووصلت بنفس اليوم بس الوقت كان متاخر تقريبا دخلت الرياض الساعه 4ونص الفجر وصليت الفجر ورحت احوس بالملتقى ادور عالعنوان ولقيته ورحت الى مخرج 17 واتصلت عليهم عشان يوصفون لي بالضبط ووصفولي ورحت عندهم وهذي واجهة المستودع  والقى اثنين مصارية واثنين هنود وقلت لهم ابي قطران حجري ردو علي المصارية بانه موجود وقالو اكيد عندك صدفية لان المنتديات بتتكلم عنه كثير فقلت الله كلامك مضبوط بعدين نادو الهندي وقالو له جيب قطران حجري فقال على طول انه مو موجود وجلسو يطلبونه قدامي وهو جالس يقنعهم وبطريقة ماء يبي يوصل المعلومه لي انه مو موجود فقلت لهم انا جاي من مدينة بعيدة وانا مكلم الدكتور وقالي الدكتور انه موجود ووعدني اجي اليوم قالو الدكتور مو موجود فقلت مو شغلي انا ماني طالع الى ان تجيبون لي العلاج وكان سالفة الدكتور خضتهم شوي وبالذات هزت الهندي شوي ويروح الهندي يكلم بالتلفون يكلم هندي زيه ويجلس يتكلمون 10 دقايق بس اللي فهمته انه يقول للهندي اللي بالتلفون هذا من طرف الدكتور ومايمدينا نصرفه بعدين قال خلاص جيب الوصفه وعطيته وقال انتظر تقريبا من نص ساعه الى ساعه فقلت انا اوكيه وكان واضح التعب على وجهي وجلست جنبه بعدين سالني فجاه وقال تعرف سعر العلاج فقلت ايه قال بكم قلت ب110 قال لا ارتفع سعره الى 130 فسالته ليش قال لانه مو متوفر ونادر وبعدين انتظرت الى ان جابة هندي ثاني من برى وسالته عن مكوناته فقال هذا زي ماوصفه الدكتور وز اللي ياخذونه مرضى الصدفيه يعني ان العلاج مركب عندهم بالمستودع وجاني بالعلبة حجم 1 لتر وكانت العلبة مختومه واعطيته الفلوس وسوالي خصم مقدار 5 بالمئه هذي صو العلاج   وهنا مكتوب 1000وتحتها رقم 4   وهذي هدية بناسبة اليوم الوطني للسعودية    اللي شفته من الشركة انهم بداو بالطمع وانا دخلت بغرفه عندهم والقى جراكل زي جركل موية الراديتر عليها نفس الاستيكر حق القطران بس مدري وشو وكل جركل له اسم مختلف بس الواضح ان فيها من ضمن الكمية قطران خام وهم بالمستودع يركبونه يعني لاااااااااازم نتحرك ونشوف لنا مصدر ثاني غيرهم عشان ماياكلونا بالطمع ووصف المستودع كا يلي نتحرك للدايري الشرقي باتجاه الجنوب الى ان نوصل لمخرج 17 ويجي ايكيا على يمينا نطلع لمخرج 17 ونلف مع الاشارة يمين ثم يجي محطة بترول اللي باللون الازرق على اليمين نخليها ونكمل سيدة حتى تجينا اشارة نتعداها وندخل الخدمه على طول حتى تجيك عمارة على اليمين مكتوب عليها مطاط كبيرة وواضحه جدا وندخل من عند العمارة يمين وسيدة باتجاه ساحة كلها مستودعات بعدها بتقابلك ساحه كبيره كلها مستودعات وفيه طريق يمين او يسار شوي روح مع اليسار وبتلقاها على بعد 100 او 200 متر على اليسار اتمنى اني افدتكم ولو بشيء بسيط والشكر للاخوان ابو لمار اللي دلنا على المستودع والعلاج وفتى الخرج اللي ازعجته باتصالاتي ولا يهونون بقية الاعضاء ووالله اني اكتب الموضوع وانا توي واصل من السفر جاي من الرياض وبديت اكتب لكم قبل ما انام وارتاح من خط السفر واي خدمه انا حاضر
__________________
سبحان الله وبحمده سبحان الله العظيم
|
|
#3
25-09-2011, 07:22 AM
|
|||
|
|||
|
رد: قطران شركة تسويق الدواء اللي حصلت عليه بالصور
والله انك بطل ياقاهر الصدفيه
وباذن الله راح تقهرها لكن يااخوان لو تشوفون اسعارنابالعراق نار لكن نشتريها لان فيها الخلاص باذن الله والحريييييييييه شوف الشعوب كاعد تدفع دم وتتحرر من القيود وانتو ادفعوا شويه فلوس حتى تتحرروا من قييود الصدفيه ربنا معاك وقلوبنا معاك وانت نازل المعركه وعندنا يقيييييين تام بالله وبالقطران الى الامام ياقاهر الصدفيه
|
|
#4
25-09-2011, 08:44 AM
|
||||
|
||||
|
رد: قطران شركة تسويق الدواء اللي حصلت عليه بالصور
صباح النور والسرور يا صقر المنتدى اتمنى لك الشفاء العاجل
__________________
اللهم إني أستودعك قلبي فلا تجعل فيه أحدا سواك .. وأستودعك لساني فلا تجعله ينطق إلا بذكرك وشكرك .. وأستودعك لا إله إلا الله محمد رسول الله فلقني إياها عند الموت .. 
|
|
#5
25-09-2011, 09:23 AM
|
|||
|
|||
|
رد: قطران شركة تسويق الدواء اللي حصلت عليه بالصور
هلا بك اخوي
مشاء الله عليك بالتوفيق يارب يكتب لنا ولك الشفاء انا تو طلعت منهم يادوب عطاني استخدام شخصي لترين ويقول خلص وواعدني الثلاثاء بحول الله القطران عليه سحب فضيع اتوقع بيرفعونه
|
|
#6
25-09-2011, 10:04 AM
|
||||
|
||||
|
رد: قطران شركة تسويق الدواء اللي حصلت عليه بالصور
اشكر مروركم وانشاء الله انها نهاية الصدفية وعشان كذا انا اقول لازم نكثف جهودنا ونبحث عن مصادر ثانية للقطران عشان مااحد يستغل حاجتنا والله يكتب اللي فيه الخير
__________________
سبحان الله وبحمده سبحان الله العظيم
|
|
#7
25-09-2011, 12:21 PM
|
||||
|
||||
|
رد: قطران شركة تسويق الدواء اللي حصلت عليه بالصور
اسأل الله ان يجعله سبب شفائك من الصدفية اخوي قاهر..تحياتي
|
|
#9
25-09-2011, 03:49 PM
|
||||
|
||||
|
رد: قطران شركة تسويق الدواء اللي حصلت عليه بالصور
لو ماخذ لك كذا لتر
لانك من مكان بعيد
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
