استخاره فى امر زواج ارجو التفسير جزاكم الله خيرا

يمنى يمنى · #1 20-10-2010, 03:38 AM

السلام عليكم ورحمه الله وبركاته
انا انسه غير مرتبطه
28 سنه
جامعيه
لا اعمل حاليا
ملتزمه والحمد لله
تقدم لى عرسان كتير جداااااااااا وكل مره الامور تتعقد وتحصل حاجه توقفها والحمد لله
تقدم لى شاب منذ حوالى عام وعملت استخاره عده مرات
هو الموضوع حصلت فيه مشاكل كتيره واتقفل وقتها وهو خطب واحده تانيه وتركها والان يريد ان يعود مره اخرى
وانا رايت عده رؤى فى بدايه الموضوع
وهذا الشاب اسمه احمد وعمره 36 سنه هو يصلى ولكن لااعلم مدى التزامه

رايت خيرا انى كنت فى شقه جدتى ام امى وهى متوفاه وكانت امراه صالحه ولا نذكى على الله احدا

ورايت ان هذا الشاب دق الباب وفتحت له فاعطانى 175 قرش (فضه)
ونزل مهرولا على السلم
وخرجت انا خلفه وناديت عليه وكان معى سبت معلق بحبل وناديت على الشاب ده وقلتله 175 قرش بس راح حاطلى ربع جنيه فضه برده فى السبت وجرى
ثم جاءت جدتى وشدتنى من كتفى ودخلتنى الشقه
ولقيت خالى واسمه جمال
معاه كيس بلاستيك اسود
اعطاه لى فتحته لقيت فيه عنقود عنب أخضر وحباته حجمها كبير
وجدتى قالتلى كلى ده
كلته وانا مضايقه عشان مزعلهاش ولما اكلته قلت فى نفسى انا لم اتذوق عنب بهذه الحلاوه من قبل
وانتهت الرؤيا على كده
ثم رايت هذه الرؤيا وكانت اخر رؤيا رايتها وكانت فى بدايه ذى الحجه من العام الماضى وكان الموضوع منتهى وقتها تماما
حلمت انه جاء فجأه وكتب الكتاب ثم اخذنى معه وقال انه هيعمل الفرح فى بيته الذى سنتزوج فيه
ودخلت البيت لقيته واسع وحلو ومرصوص بالظبط مثل قاعات الافراح وكل شئ بالبيت ابيض حتى الارضيات واهله كلهم جالسون ويوجد سلم مرصوص عليه العديد من الزجاجات الفارغه وسألته عن هذه الزجاجات قال لى انها زجاجات سيعبأ بها خمر للضيوف الاجانب (من اروبا )خفت وقلتله انت بتضحك على دى زجاجات خل فارغه
قال لى ان نظافه الارضيات لا تعجبه قلت لنفسى هو حد يعمل فرح فى بيت العروسه يلا اتعبنى معاك يا احمد بس مش مهم المهم انى معاك
واخذ قطعه قماش بيضاء واخذ ينظف بها الارضيات وانا انظف خلفه واقول لنفسى لن اتركه ينظف بمفرده صح انا عاوزه الحق البس واتجمل قبل الفرح بس المهم انى ابقى بجواره
واستعجب من اهله ان مفيش حد منهم بيساعده ومن اهلى وخالاتى ان مفيش حد جه معايا واقول يلا ربنا يسامحهم
وفى الاخر هو سبقنى على حجره النوم قلت خلاص الحق بقى البس الفستان الابيض
وذهبت خلفه وجدت امه وخاله او ابوه جالسين على باب الحجره وامه تقول للرجل انظر تدخلت فى كل حاجه حتى نظافه الارض قامت بها بنفسها اضايقت منها جدا وكنت اود ان اعاتبها وقلت لنفسى انا مش هاعطل نفسى فى الكلام معاها ودخلت غرفه النوم لقيته واقف بجوار السرير ووجدت امى جالسه على السريروامامها مفارش سرير وفوط وقلت الحمد لله ان امى هنا بتنظم ليه غرفه النوم وقفلت الباب